E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Hapen dyert e Kishës “Shën Sofia” në Berat/ Arkitekti Artan Shkreli i befasuar nga gjetjet

12 Qershor 2024, 19:24, Kulturë CNA

Hapen dyert e Kishës “Shën Sofia” në Berat/ Arkitekti

Artan Shkreli në kishën Shen Sofia, marre nga Radio "Ngjallja"

Pak ditë më parë, Kisha e “Shën Sofisë” në lagjen Kala në Berat ka hapur dyert për të mirëpritur gjithë besimtarët ortodoks.

Arkitekti Artan Shkreli ka treguar se kjo kishë është hapur pas ndërhyrjeve që ka realizuar, duke e restauruar.

Shkreli ka mbetur i befasuar nga ajo që ka zbuluar gjatë kohës që merrej resturimin e kishës “Shën Sofia”.

Arkitekti tha se nën këtë kishë ka qenë e ndërtuar një kishë akoma më e vjetër, duke treguar dhe elementët që kanë gjetur.

Po ashtu është gjetur dhe një shkrim që i përket vitit 1946.

“Kam shumë emocion që flas këtu, erdha pa emocion në këtë Kishë por këtu mu rrit emocioni gjatë gjithë kësaj ceremonie të jashtëzakonshme që kam parë dhe kam kuptuar që nëpërmjet këtyre ceremonive dhe këtyre këngëve ka mbijetuar në shekuj shpirti i fortë i fesë edhe i Kishës Ortodokse.

Iu bashkuam nismës së Olti Muzakës i cili është një mik i kahershëm i yni dhe pothujase i të gjithëve për të bërë një ndërhyrje në një objekt që për shumë vite kishte mbetur mënjanë. Ishte hapur si kishë por ndonjë kujdes të veçantë nuk kishte.

Me përjashtim të disa familjeve ortodokse këtu pranë të cilët e kishin marrë në mbrojtje në vitet e vështira dhe kur disa nga gjërat që kanë shpëtuar i dedikohen këtyre familjeve për pjesën tjhetër kisha kishte mbetur në pritje për një ndërhyrje kur t’i vinte radha pasi ka shumë kisha që kanë nevojë për ndërhyje.

Duke u marrë me kishën vumë re që ajo ka një histori të mirëfilltë.

Zbuluam elementë që nën këtë kishë ka qenë një kishë akoma më e vjetër. Në një arkë të veçantë janë ruajtur elementët që do t’i vendosim diku në kishë apo në muze, ku janë gjetur disa tjegulla katrore me hark të shekullit XII-XIII që tregojnë se të në 1200 këtu ka qenë një kishë që nuk e dimë ka qenë palokristiane apo mesjetare që do të thotë kjo tradita e ndërtimit dhe rindertimit ka qenë më e gjatë sa mendonim ne.

Zbuluam një shkrim ku thuhet që besnikët u mblodhën në vitin 1946 dhe e rindreqën këtë kishë dhe është aty mbi derën kryesore.

I vetmi element mobilimi i vjetër i kësaj kishe është psalitiri dhe dera që janë para vitit 1967”, tha ndër të tjera Artan Shkreli./ CNA