E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Zhdukja e përgjimeve të politikanit ‘Taulant’/ Ish-prokurori: Ka forma të tjera për të provuar faktin penal

30 Nëntor 2022, 09:26, Aktualitet CNA

Zhdukja e përgjimeve të politikanit ‘Taulant’/

Ish-prokurori i krimeve të rënda, Eugen Beçi, ka komentuar përgjimet e Elbasanit, ku thuhet se ka dalë një politikan me emrin “Taulant”.

Fillimisht ky emër u lakua nga Ardjan Çapja në një seancë gjyqësore dhe më pas nga mediat.

I ftuar në emisionin “Log” në "Abc" me gazetarin Endri Xhafo, Beçi u shpreh se përgjimi është një indicie për të shkuar te prova. Fakti që këto përgjime janë fshirë, nuk duhet të pengojnë hetimet që të shkojnë tek indicia që ka dalë në dritë.

Deklaratat në emision

Beçi: Vendimi dhe kërkesa e prokurorit duhet të bindte gjykatën që kishte realizuar përgjimin ku ishte lapsusi. Lapsusi ngelet enigmatik sepse këto gjëra nuk ishin të sqaruara. Përgjimi i një politikani me emrin Taulant është zhdukur sepse procedura është e tillë. Përgjimi është një indicie për të shkuar te prova. Duke qenë një indicie që të çon te prova je i detyruar që me rrethana të tjera të shkosh te kjo indicie që të ka dalë. E njëjta gjë ndodh edhe me një përgjim telefonik. Edhe përgjimi telefonik do të çojë në nxjerrjen e indicies së disa rrethanave që do të çojë në një fakt penal apo jo. Nuk mund të marrësh përgjimin e telefonit dhe të sky-it për të dënuar një person. Nëse ka një lapsus që do gjendet apo jo personi me emrin Taulat ka forma të tjera të hetimit. Mossqarimi i fjalës lapsus është problem.

Xhafo: Berisha ka akuzuar Ballën në Parlament për një krim të rëndë të ndodhur në Elbasan. Numri që kam parë është i Taulant Ballës. Çfarë kishin ato përgjime nuk dihet sepse u shkatërruan me vendim gjykate.

Beçi: Procesi i të provuarit të një fakti penal nuk ka lidhje vetëm me këtë fenomen dhe fakt. Ideja është që jo vetëm ky episod mund të arrijë në procesin e të provuarit. Kodi penal ka forma të shumta të të provuarit. Ke 8 llojet e formave të marrjes së provave. Nuk mund të themi që meqë u zhduk ky përgjim nuk mund të provojmë faktin penal. Meqë është asgjësuar 48 orë përgjimi telefonik nuk do të thotë që s’mund të provohet fakti penal./CNA.al