LEXO PA REKLAMA!

SHKARKO APP

App Store
Google Play

E fundit!

x

Fati i Martinajt ende mister/ Xhaxhai i “mbretit” të lojërave të fatit, ndjek ‘këmba këmbës’ kundërshtarët politikë

29 Nëntor 2022, 19:52, Aktualitet CNA
Fati i Martinajt ende mister/ Xhaxhai i “mbretit” të
Ervis Martinaj

Xhaxhai i Ervis Martinaj, Faik Martinaj ka folur ditën e sotme për zhdukjen e Ervis Martinajt, fati i të cilit ka mbetur ende i pazbardhur prej muajsh.

Xhaxhai i “mbretit” të lojërave të fatit ka hedhur sërish dyshimet se nipi i tij mund të jetë eleminuar nga kundërshtarët politikë.

Sipas tij, vrasja e Ervis Martinajt është me motive politike.

“Ai është vrarë dhe është zhdukur kufoma. Kundërshtarët politikë e kanë eliminuar. Hasmi nuk të zhduk xhenazen”, u shpreh ai në emisionin “Pa Gjurmë”.

Xhaxhai e ka lidhur zhdukjen e Martinajt me dëshminë e Nuredin Dumanit se bosi i lojërave të fatit i kishte ofruar 500 mijë euro për të eliminuar ish-anëtarin e bandës së Durrësit, Endrit Doklen.

Kujtojmë se Ervis Martinaj, i njohur si ‘mbreti’ i lojërave të fatit, është zhdukur prej më shumë se 2 muajsh.

Zhdukja e tij ka vënë në lëvizje jo vetëm institucionet e drejtësisë, por edhe politikën.

Kryeministri Edi Rama ka deklaruar se shumë shpejt do kemi një përgjigje për fatin e tij.

Ndërsa kreu i Partisë Demokratike, Sali Berisha, tha para gazetarëve se Rama e di ku ndodhet ‘mbreti’ i lojërave të fatit’ dhe akuzoi Prokurorinë se nuk po vepron./ B.A. - CNA.al

Lajmet e fundit nga