web counter
LEXO PA REKLAMA!

SHKARKO APP

App Store
Google Play

Xhaxhai i Ervis Martinajt ngre akuzat e forta/ Pse nuk e zbardh policia zhdukjen

29 Nëntor 2022, 22:05, Aktualitet CNA
Xhaxhai i Ervis Martinajt ngre akuzat e forta/ Pse nuk e zbardh policia zhdukjen
Ervis Martinaj

Faik Martinaj, xhaxhai i Ervis Martinajt, i cili rezulton i zhdukur që prej muajit gusht të këtij viti, ka hedhur akuza të forta për moszbardhjen e kësaj ngjarje.

Faik Martinaj tha se drejtori i Policisë së Shtetit, Muhamet Rrumbullaku, nuk po e zbardh të vërtetën e zhdukjes së nipit të tij sepse nuk e lë kryeministri Edi Rama.

“Policisë së Shtetit, të gjitha…, unë me gjithë konsideratën që kam se kam punuar në Polici të Shtetit disa vite, me respektin më të madh që kam për drejtorin e Policisë së Shtetit sot, por nuk e lë kush a më kupton. Nuk e lë kush, se janë të tjerët, janë të gjithë të kapur nga Edi. Nuk i lë ai”, theksoi ai në emisionin “Pa gjurmë”.

Kujtojmë se Ervis Martinaj, i njohur si ‘mbreti’ i lojërave të fatit, është zhdukur prej më shumë se 2 muajsh.

Zhdukja e tij ka vënë në lëvizje jo vetëm institucionet e drejtësisë, por edhe politikën.

Kryeministri Edi Rama ka deklaruar se shumë shpejt do kemi një përgjigje për fatin e tij, por ende nuk është zbardhur e vërteta e zhdukjes së “mbretit” të lojërave të fatit./ B.A. – CNA.al





Lajmet e fundit nga