E fundit!

21:44 Politikë

Shkelën Kodin Zgjedhor/ KQZ kërkesë KAS: Gjobit 3 kryebashkiakë të PS dhe 7 zyrtarë

Komisioni Qëndror i Zgjedhjeve (KQZ) ka kërkuar nga Komisi...

Protesta dhe samiti/ Mediu: Rama kërkon që të privatizojë çështjen e integrimit, në 6 dhjetor nuk duhet të krijohen keqkuptime

29 Nëntor 2022, 20:33, Aktualitet CNA

Protesta dhe samiti/ Mediu: Rama kërkon që të privatizojë

Kreu i Partisë Republikane, Fatmir Mediu

Kreu i Partisë Republikane, Fatmir Mediu ka komentuar samitin BE-Ballkani Perëndimor, i cili do të mbahet në datën 6 Dhjetor.

Mediu e cilëson këtë samit si samitin e shqiptarëve dhe jo të kryeministrit Edi Rama.

Sipas tij Rama po përpiqet që të privatizojë çështjen e integrimit, e cila është një nismë e partive të djathta.

Ndër të tjera Mediu theksoi se opozita nuk ka marrë asnjë ftesë deri më tani për të pasur zë në këtë samit.

“Siguria do të jetë një nga çështjet më të rëndësishme. Janë analiza që bëjnë ekspertët e SHBA dhe BE. Ka shqetësim të shtuar të BE për situatën që ndodh në Ballkan, siç është mosdakordësia mes Serbisë dhe Kosovës. Samiti është samit i shqiptarëve me BE. Nuk është samiti i Ramës me BE. Si forcë politike ka qenë PD dhe partitë e djathta që ecën me idenë që; ta bëjmë Shqipërinë si Europa. Rama po përpiqet që të ‘privatizojë’ këtë çështjes. Opozita duhet ta çmojë këtë samit si të rëndësishëm. Zgjatja pa fund me vite me radhë e këtij procesi është faj i qeverisë, PS. S’ka asnjë ftesë për diskutimin e përbashkët, për PD. Kur është bërë samiti i NATO-s në Bukuresh apo Strasburg, apo në Bruksel, opozita ka qenë prezente. Duket se Ramës i intereson që të ketë një qasje tjetër të opozitës dhe përjashtimin e saj. Çdo ditë do ishte gjë e mirë që të bëhej protestë në vendin tonë. Besoj se Berisha kërkon që t’i tregojë BE për të denoncuar qeverisjen, që të ketë qëndrim thelbësor për çështjet që ka Shqipëria”, ka thënë Mediu.

Ndër të tjera ai ka folru edhe për protestën e opozitës që od të mbahet në të njëjtën ditë me samitin.

Mediu nënvizon se e rëndësishme është që të mos krijohen keqkuptime dhe se çdo organizim duhet të negociohet.

“Opozita duhet të jetë permanente për të diskutuar çështje që janë me rëndësi, ne kemi eksperiencë për këto gjëra. Çdo komunikim i drejtpërdrejtë i opozitës është me i vlefshëm. Me rëndësi është se çfarë narrative duhet të ndërtojmë. Duhet të ndërtojmë një narrative zgjidhje dhe partneritet, por nuk duhet të krijojmë keqkuptime. Nuk kemi komunitetin që të krijojmë keqkuptime shtesë. Çdo organizim duhet të negociohet. Nuk mendoj se do të ketë incidente, por do të jetë paqësore dhe me rëndësi është mesazhi që përcjell në mbështetje të integrimit të vendit në BE. E vetmja pikëpyetje që kam është pamundësia për të shpjeguar keqkuptime të mundshme. Shpesh ndodh që kur merr një qëndrim sa më realist, mund të kesh opinione të ndryshme. E kam mbajtur këtë qëndrim dhe në momente të tjera. Rama i pret BE në 6 dhjetor edhe falë ndryshimeve që bëmë ne. Duhet të bëjmë një analizë në raport me veten se kush janë veprimet. Që të ketë protestë çdo ditë në Shqipëri ndoshta është e pamjaftueshme”, tha Mediu./ CNA.al