web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet plagosja me armë zjarri në Tiranë/ Identifikohet autori dhe bashkëpunëtorët e tij

28 Maj 2026, 10:39, Kronika CNA

Është zbardhur plagosja me armë zjarri e ndodhur rreth mesnatës së 26 majit në rrugën “Aleksandër Moisiu” në Tiranë.

Sipas informacioneve zyrtare, policia ka identifikuar dhe shpallur në kërkim autorin e dyshuar të plagosjes dhe 2 bashkëpunëtorët e tij. Autori i dyshuar është shtetasi K. K., 31 vjeç, ndërsa dy bashkëpunëtorët e tij janë shtetasit Gj. Ll., 36 vjeç dhe L. M., 45 vjeç.

Bëhet me dije se është gjetur dhe sekuestruar një automjet, i cili është përdorur në vendngjarje. Mësohet se shtetasi i plagosur, J. H., është në kujdesin e mjekëve dhe jashtë rrezikut për jetën.

Njoftimi i policisë:

Tiranë

Si rezultat i hetimeve, zbardhen autorësia dhe rrethanat e plagosjes me armë zjarri, të kryer më datë 26.05.2026, në rrugën “Aleksandër Moisiu”.

Identifikohen dhe shpallen në kërkim autori i dyshuar i plagosjes dhe 2 bashkëpunëtorët e tij.

Gjendet dhe sekuestrohet me cilësinë e provës materiale, 1 automjet i cili është përdorur në vendngjarje.

Menjëherë pas njoftimit së një shtetas ishte plagosur me armë zjarri, në këmbë, rreth mesnatës së datës 26.05.2026, në rrugën “Aleksandër Moisiu”, shërbimet e Komisariatit të Policisë Nr. 4 organizuan punën për zbardhjen e rrethanave dhe nxjerrjen përpara përgjegjësisë penale, të autorit/ëve të rastit.

Si rezultat i veprimeve hetimore u identifikua autori i dyshuar i plagosjes për motive të dobëta, shtetasi K. K., 31 vjeç, si dhe 2 bashkëpunëtorët e tij, shtetasit Gj. Ll., 36 vjeç dhe L. M., 45 vjeç.

Punohet intensivisht për kapjen e tyre, si dhe për dokumentimin e përgjegjësisë penale të secilit.

Shtetasi i plagosur, J. H., është në kujdesin e mjekëve dhe jashtë rrezikut për jetën.

Materialet procedurale iu referuan Prokurorisë së Tiranës, për veprime të mëtejshme. /CNA





Lajmet e fundit nga