web counter
LEXO PA REKLAMA!

SHKARKO APP

App Store
Google Play

Laboratori i kokainës në Frakull/ Arrestohet 49-vjeçari në Spanjë, pritet ekstradimi

26 Maj 2026, 10:10, Kronika CNA

Laboratori i kokainës në Frakull/ Arrestohet 49-vjeçari në

Një nga personat e shpallur në kërkim për trafik droge dhe grup kriminal është arrestuar në Spanjë me qëllim ekstradimin në Shqipëri. Në pranga është është vënë, Kevin Margjoni, 49 vjeç, i cili ishte i përfshirë në laboratorin e kokainës në Frakull të Fierit.

GJKKO ka caktuar ndaj tij masën e sigurisë “Arrest në burg”, për veprat penale “Trafikimi i lëndëve narkotike”, kryer në bashkëpunim, në formën e grupit të strukturuar kriminal, “Kryerja e veprave penale nga organizata kriminale ose grupi i strukturuar kriminal” dhe “Grupi i strukturuar kriminal”.

“Si rezultat i bashkëpunimit të Interpol Tiranës me homologët në Madrid, është kapur në Spanjë dhe është arrestuar me qëllim ekstradimin në Shqipëri, shtetasi Kevin Margjoni, 49 vjeç, i cili ishte shpallur në kërkim ndërkombëtar, pasi GjKKO-ja i ka caktuar masën e sigurisë “Arrest në burg”, për veprat penale “Trafikimi i lëndëve narkotike”, kryer në bashkëpunim, në formën e grupit të strukturuar kriminal, “Kryerja e veprave penale nga organizata kriminale ose grupi i strukturuar kriminal” dhe “Grupi i strukturuar kriminal””, thuhet në njoftimin e policisë.

Më 24 nëntor 2022 në oborrin e një banese u gjetën rreth 600 thasë me pleh kimik, ku pas ekspertizës rezultoi se kishte në përbërje rreth 485.5 kg kokainë e ardhur nga Kolumbia.

Droga u zbulua nga një aksion i mirëorganizuar nga SPAK, DEA dhe policia malazeze, pas një hetimi prej rreth 3 muajsh. Lënda narkotike vinte nga Kolumbia, ndërsa në Shqipëri ajo përpunohej me destinacion tregun europian. /CNA





Lajmet e fundit nga