web counter
LEXO PA REKLAMA!

SHKARKO APP

App Store
Google Play

E fundit!

x

Nga vrasja te 700 mijë eurot e sekuestruara në Muriqan/ Zbulohen të tjera fije të rrjetit të goditur nga SPAK

26 Maj 2026, 09:38, Kronika CNA

Nga vrasja te 700 mijë eurot e sekuestruara në Muriqan/ Zbulohen

Një operacion i gjerë i SPAK në bashkëpunim me Antimafian e Barit dhe mbështetjen e Eurojust, i zhvilluar në orët e para të mëngjesit të kësaj të marte, ka goditur një grup kriminal për pastrim parash dhe aktivitet të organizuar kriminal me shtrirje në Shqipëri dhe Itali.

Sipas raportimeve në total janë lëshuar 14 masa sigurie, mes tyre arrestime, një masë “arrest shtëpie” dhe tre masa “detyrim paraqitje”.

Prej 14 masave të lëshuara janë ekzekutuar katër prej tyre, ndërsa pjesa tjetër po vijon në bashkëpunim me autoritetet italiane dhe agjenci të tjera ndërkombëtare të zbatimit të ligjit.

Hetimet kanë nxjerrë në pah një rrjet të dyshuar kriminal që operonte kryesisht në Itali, ndërsa një pjesë e aktivitetit të pastrimit të parave dyshohet se zhvillohej në Shqipëri.

Në qendër të dosjes ndodhet shtetasi me inicialet I.G., i konsideruar nga hetuesit si drejtues i grupit. Ai rezulton i shpallur në kërkim nga drejtësia italiane për përfshirje në vrasjen e 26-vjeçarit italian Francesco Diviesti.

Diviesti, me profesion parukier në Barletta, u zhduk në mbrëmjen e 25 prillit 2025 pasi kishte dalë nga banesa. Kamerat e sigurisë e kishin filmuar për herë të fundit në berberhanen ku punonte me të atin. Katër ditë më vonë, trupi i tij u gjet në një zonë rurale mes Canosa di Puglia dhe Minervino Murge, pjesërisht i djegur.

Sipas hetimeve italiane, vrasja e të riut çoi në zbulimin e aktivitetit të grupit kriminal dhe lidhjeve të tij me pastrimin e parave.

Në këtë kuadër, autoritetet shqiptare po hetojnë edhe rolin e shtetasit E.K., i njohur me nofkën “Bishnja”, i cili dyshohet se merrej me qarkullimin dhe legalizimin e parave të grupit në Shqipëri.

Një nga episodet që lidhet me këtë dosje është edhe sekuestrimi i rreth 700 mijë eurove në pikën kufitare të Muriqanit një vit më parë.

Fillimisht çështja u hetua nga Prokuroria e Shkodrës, por më pas dosja iu transferua SPAK-ut, pasi dyshohej se paratë kishin lidhje me aktivitetin e grupit kriminal.

Operacioni vijon, ndërsa SPAK pritet të dalë me detaje të tjera lidhur me personat e përfshirë dhe akuzat konkrete ndaj tyre./ CNA





Lajmet e fundit nga