web counter
LEXO PA REKLAMA!

SHKARKO APP

App Store
Google Play

Shkeli perimetrin e sigurisë/ Bllokohet mjeti lundrues në Velipojë, gjobitet drejtuesi

27 Maj 2026, 20:33, Kronika CNA

Shkeli perimetrin e sigurisë/ Bllokohet mjeti lundrues në

Policia Kufitare në Shkodër ka bllokuar një mjet lundrues në Velipojë për shkak se shkeli perimetrin e sigurisë duke cenuar sigurinë e pushuesve.

Po ashtu është ndëshkuar dhe drejtuesi i mjetit, ndaj të cilit është vendosur gjobë 100 000 lekë të rinj. 

Mjeti lundrues ishte i tipit Jet Ski dhe drejtohet nga shtetasi R. Gj.

 

 

Njoftimi i policisë

 

Shkeli perimetrin e sigurisë me mjet lundrues, Policia Kufitare shoqëron drejtuesin dhe bllokon mjetin lundrues.

Në përfundim të procedurave, drejtuesi i mjetit lundrues do të ndëshkohet me masë administrative me vlerë 100.000 lekë të rinj.

Shërbimet e Policisë Kufitare, Njësia Policore Detare dhe ato të Stacionit të Policisë Kufitare Velipojë kanë intensifikuar masat, duke shtuar ndjeshëm patrullimet në vijën bregdetare të Velipojës.

Gjatë patrullimit, shërbimet e Policisë Kufitare kanë marrë njoftim nga pushuesit se një mjet lundrues tip Jet Ski kishte hyrë në afërsi të bregut në zonën e Velipojës, duke rrezikuar sigurinë e personave që bënin plazh.

Ky rast ishte filmuar nga qytetarët dhe ishte publikuar edhe në portalin JOQ.

Menjëherë, shërbimet e Stacionit të Policisë Kufitare Velipojë dhe Njësia Policore Detare kanë ndërhyrë dhe kanë konstatuar mjetin lundrues tip Jet Ski, me drejtues shtetasin R. Gj.

Në përfundim të procedurave administrative,  drejtuesi i mjetit lundrues do të ndëshkohet me  masë administrative me vlerë 100.000 lekë të rinj.

Policia e Shtetit apelon për të gjithë përdoruesit e mjeteve lundruese që të respektojnë me rigorozitet rregullat e lundrimit dhe perimetrin e sigurisë për pushuesit që bëjnë plazh në zonat e përcaktuara.





Lajmet e fundit nga