web counter
LEXO PA REKLAMA!

SHKARKO APP

App Store
Google Play

Zbardhet ngjarja makabre në Kamëz/ Vëllezërit hapën arkivolin, 56-vjeçari e dhunonte gruan prej vitesh

6 Shtator 2022, 12:02, Kronika CNA
Zbardhet ngjarja makabre në Kamëz/ Vëllezërit hapën
Foto ilustruese

Zbardhet dëshmia e 56-vjeçarit Shefqet Lika, i arrestuar në Kamëz, pas fshehjes së vetëvrasjes së bashkëshortes së tij Shahe Lika në banesën e tyre.

Para hetuesve Lika ka deklaruar se ka pasur frikë të raportojë për vetëvrasjen e bashkëshortes, pasi sipas tij nuk do ta besonin familjarët e saj.

Lika tha se prej kohësh ata e kanë akuzuar për dhunën që ushtronte ndaj gruas dhe se familjarët e saj herë pas here e kishin paralajmëruar se do ta denonconin.

Por, situata i doli nga kontrolli 56-vjeçarit, pasi familjarët e gruas tashmë të vetëvarur patën dyshime dhe kërkuan ekspertizë të trupit të pajetë. Pas ekspertizës, rezultoi se 55-vjeçarja ishte vetëvarur.

Kanë qenë vëllezërit e së ndjerës ata që kanë hapur arkivolin dhe kanë parë shenjat në qafë. Menjëherë më pas kanë lajmëruar policinë.

Shefqet Lika akuzohet për dy vepra penale, shkaktim të vetëvrasjes dhe veprime që pengojnë zbulimin e së vërtetës.

Burime nga policia bëjnë me dije se çifti ka pasur konflikte të shumta prej shumë vitesh, ndërsa bashkëshorti ka ushtruar dhunë sistematike ndaj saj. Në javët e fundit mësohet se ajo ishte larguar nga banesa dhe kishte jetuar tek e motra.

Në banesën e burrit ishte kthyer një ditë para se të merrte vendimin për t'u vetëflijuar. Për shkak të dhunës dhe konflikteve dyshohet se gruaja shkoi drejt vetëvarjes./CNA.al 





Lajmet e fundit nga