web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet dëshmia e Lefter Kokës/ Ish-ministri: E vërteta është thënë përgjysmë

6 Korrik 2023, 15:23, Kronika CNA

Zbardhet dëshmia e Lefter Kokës/ Ish-ministri: E vërteta

Ish-ministri i Mjedisit, Lefter Koka, ka dëshmuar këtë të enjte para togave të zeza, në seancën e mbajtur për inceneratorin e Elbasanit, ku Prokuroria ka kërkuar 10 vite burg për ish-ministrin.

Koka ka pretenduar se gjyqi ndaj tij është i manipuluar dhe se e vërteta është thënë përgjysmë.

Ai ka deklaruar se nuk ka pasur asnjë kontakt ose njohje me pronarët e inceneratorëve, pasi ata kanë ardhur si propozim nga bota e biznesit.

"Një e vërtetë e thënë përgjysmë është e pavërtetë. Prokuroria u bazua te kallëzimi i LSI-së dhe për 2 vite nuk më mori në pyetje asnjëherë. Unë si ministër, Sekretari përgjithshëm dhe Komisioni kemi zbatuar me përpikmëri ligjin. Bëmë punën më të mirë dhe shërbyem me devotshmëri. Eshtë kohë e vështirë që kërkon burra e burrni, unë si kam borxh askujt ta paguaj me lirinë time!

Akuza e prokurorisë është idiote! Kam hyrë në politikë si biznesmen dhe s'më bëri politika biznesmen. Po kthehemi 45 vite para në proceset e stisura të sistemit komunist. Është një alarm jo vetëm për mua, por për të gjithë shoqërinë. Ky proces është i manipuluar fund e krye, besoj se e vërteta do të triumfojë. Nuk ekziston asnjë kontakt ose njohje me pronarët e inceneratorëve, ato nuk i solla unë por erdhën si propozim nga bota e biznesit. Prokurori devijoi hetimet dhe fraksionoi dosjen për të mos zbuluar të vërtetën. Drejtësia më herët sesa vonë do të dalë. Intriga e këtij procesi dashakeqës do të dalë dhe uroj të shërbejë për konsolidimin e mëtejshëm të reformës në drejtësi. Prokurori fshehu 40 fashikuj hetimor ku gjenden provat për pafajësinë time. Më janë vënë në dispozicion nga gjykata 1 javë më parë. Akuza pësoi mutacione për t'i qëndruar besnike kallëzimit të LSI-së. Kurrë nuk i kam futur dorën në xhep dikujt."- ka deklaruar Koka./ CNA.al





Lajmet e fundit nga