LEXO PA REKLAMA!

SHKARKO APP

Zbardhet dëshmia e Erzen Breçanit/ Çfarë tha para hetuesve të BKH-së për Matën dhe djalin e tij

8 Dhjetor 2023, 15:12, Kronika CNA
Zbardhet dëshmia e Erzen Breçanit/ Çfarë tha para
Ish-drejtuesi i Policisë së Shtetit, Erzen Breçani

Ish-drejtuesi i Policisë së Shtetit, Erzen Breçani, i cili ndodhet ende në qeli, është marrë sërish në pyetje disa javë pas arrestimit në prani të avokatëve të tij.

Breçani ka mohuar sërish të jetë i përfshirë në aktivitetin kriminal të Ervin Matës, kunatit të djalit të tij Eralb Breçani.

Ai ka deklaruar para hetuesve të Byrosë Kombëtare të Hetimit se nuk ka marrë para as nga djali i tij dhe as nga Ervin Mata.

Ish-zyrtari i policisë ka sqaruar marrëdhënien që kishte me Ervin Matën. Gjithashtu ai ka pretenduar se nuk ka pasur dijeni për aktivitetin e paligjshëm që Mata ushtron.

Kujtojmë se SPAK lëshoi 11 urdhër-arreste për grupin kriminal, nga të cilat u ekzekutuan 5 prej tyre duke arrestuar ish-drejtorin e policisë së Tiranës, Erzen Breçanin, nën akuzën e sigurimit të mjeteve për grup kriminal, Dedan Gjonin shef të krimeve në komisariatin numër 6, i cili akuzohet se ka bashkëpunuar me Bujar Germizin dhe Besmir Muratin për planin e vrasjes së dy vëllezërve që jetonin në Britani të Madhe.

Ndërkohë gjashtë persona janë shpallur në kërkim: Eralbi Breçani, djali i Erzen Breçanit, biznesmeni Ervin Mata, vëllai i gruas së Eralbi Breçanit; Albert Prenga; Ismail Zeneli; Bajram Grabova e Artan Sulejmani. Gjykata ka vendosur masë sigurie "detyrim me paraqitje" për Jonida Babameton me detyrë oficere e Drejtorisë së Kufirit dhe Emigracionit./ CNA

Lajmet e fundit nga