LEXO PA REKLAMA!

SHKARKO APP

Identifikohet autori i vrasjes së 41-vjeçarit në Fier

7 Dhjetor 2023, 13:24, Kronika CNA
Identifikohet autori i vrasjes së 41-vjeçarit në Fier
Foto nga vendi i ngjarjes në Fier

Identifikohet autori i vrasjes së 41-vjeçarit në Fier me iniciale E.J. Mësohet se autori i dyshuar është personi me A.G, 35 vjeç, i cili është shpallur në kërkim.  

Policia vijon kontrollet në akse të ndryshme të vendit për të bërë të mundur kapjen e 35-vjeçarit, i cili u largua menjëherë pasi ekzekutoi me armë zjarri 41-vjeçarin mëngjesin e së enjtes. 

Vrasja në Fier:

Mësohet se viktima jetonte me prindërit dhe kishte rreth 3 muaj që ishte kthyer nga Gjermania. Ai nuk rezulton person me precedentë penalë, por ishte nipi i biznesmenit Demir Backa, i ekzekutuar me armë zjarri në tetor të 2021-shit. 

41-vjeçari u vra rreth 100 metra larg shtëpisë së tij, në momentin që zbriti nga një makinë "Porsche", për shkaqe dhe në rrethana momentalisht të paqarta.

Për ngjarjen e rëndë të kësaj të enjteje, policia ka shpallur në kërkim dhe po punon për kapjen e autorit të dyshuar, identiteti i të cilit nuk është bërë ende i ditur.

Mësohet se janë ngritur disa postblloqe në Fier dhe në hyrje të Vlorës, pasi dyshohet se autorët kanë lëvizur në drejtim të qytetit bregdetar. 

Ndërkohë raportohet se autorët kanë qenë me një automjet tip ‘Mercedes Benz’ ngjyrë blu./CNA

 

 

Lajmet e fundit nga