LEXO PA REKLAMA!

SHKARKO APP

Policia në gjurmim të lojërave të fatit/ 9 të arrestuar, dhjetëra të shoqëruar në Korçë

7 Dhjetor 2023, 08:56, Kronika CNA

Policia në gjurmim të lojërave të fatit/ 9 të

Policia ka kryer një aksion kundër lojërave të fatit, si rrjedhojë e të cilit janë shoqëruar dhjetëra persona në komisariatet e juglindjes.

Sipas informacioneve, bëhet me dije se aksioni është zhvilluar mbrëmjen e djeshme e ka vazhduar gjatë gjithë natës.

Fokusi ka qenë tek lojërat e fatit, ndërsa janë kontrolluar ambiente dhe lokale. Nga komisariati i Korçës u shoqëruan 15 persona, ndërsa u arrestuan 5 prej tyre.

Në komisariatin e Pogradecit, u shoqëruan 5 persona, ndërsa u arrestuan 2 prej tyre, ndërsa 3 të tjerë në gjendje të lirë. Nga komisariati i Maliqit u arrestua 1 person, ndërsa gjatë kontrollit në lokal i është gjetur edhe një sasi e vogël fishekësh. Edhe në komisariatin e Devollit është arrestuar 1 person.

Nuk ka asnjë rast në Kolonjë.

Sa i përket aksionit, mësohet se është zhvilluar në të gjithë Shqipërinë. Në total në Qarkun e Korçës, mësohet se janë arrestuar 9 shtetas, ndërsa janë shoqëruar më tepër se 20./ CNA

Lajmet e fundit nga