web counter
LEXO PA REKLAMA!

SHKARKO APP

App Store
Google Play

Vrasja e Gjin Ndojit/ Shoferi i biznesmenit Gjoka, rol aktiv, ndihmoi autorët të largoheshin nga vendngjarja

29 Korrik 2023, 14:33, Kronika CNA

Vrasja e Gjin Ndojit/ Shoferi i biznesmenit Gjoka, rol aktiv, ndihmoi

Të tjera detaje janë zbardhur nga personat e implikuar në ngjarje kriminale, të cilat kanë dalë në dritë nga hetimet e SPAK.

Sipas gazetares Klodiana Lala, ish-efektivi i policisë që punonte si shofer i biznesmenit, Pëllumb Gjoka, në vrasjen e Gjin Ndojit dhe atentatit ndaj Kleant Musabelliut kishte rol aktiv.

Gazetarja bën me dije se, në dosjen hetimore të SPAK, evidentohen prova që krijojnë dyshime të arsyeshme se shtetasi Edmond Preka, në vrasjen e Gjon Ndoj, ka ndihmuar autorët e krimit për t’u larguar nga vendi i ngjarjes.

Gazetarja Klodiana Lala thotë se vrasja e Boriçit dyshohet të jetë kryer nga Behar Bajri dhe klani i tij.

Në dosjen hetimore rezulton se një tjetër ngjarje ku Preka është përfshirë, është ajo e planit të vrasjes së Kleant Musabelliu, ish-punonjës i drejtorisë së Burgjeve.

Preka ka informuar grupin e Ervis Martinajt me foto dhe informacione mbi lëvizjet e shënjestrës, ndërsa ka krijuar kushte për vrasje.

Pra sipas Klodiana Lalës, ish-oficeri i policisë ka luajtur rolin e informatorit ndaj personave të interesuar për asgjësimin e Musabelliut.

Ky plan, fillimisht në bazë të transkripteve, ishte marrë përsipër nga Behar Bajri.

Ky i fundit nga përgjimet rezulton se flet me Gjokën dhe i thotë se kishte gjetur 3 shtetas të huaj, një arab, një nga Kosova dhe një serb.

Ata kërkonin 100 mijë euro, teksa Gjoka i thotë që ‘nëse është nevoja jepu më shumë’. Por Bajri del garant duke i thënë që ‘për kaq para do ta bënin vetë’, ka bërë me dije Klodiana Lala.





Lajmet e fundit nga