web counter
LEXO PA REKLAMA!

SHKARKO APP

App Store
Google Play

Vëllezërit Hysa aleatë me kartelin e Sinaloas/ Gazetari: S’ka hetim në Shqipëri

17 Shtator 2022, 16:31, Kronika CNA
Vëllezërit Hysa aleatë me kartelin e Sinaloas/ Gazetari:
Foto ilustruese

Vëllezërit Hysa që u përmendën nga mediat meksikane si të lidhur me kartelin e drogës Sinaloa, kanë aktivitet në lojërat e fatit në Shqipëri dhe Meksikë.

Gazetari Eni Ferhati u shpreh se vëllezërit kanë një kazino në Vlorë.

“Vëllezërit Hysa në bazë të asaj që kanë publikuar media në fjalë edhe nga verifikime që ne kemi bërë, kanë aktivitet në lojërat e fatit. Kanë një biznes të shtirë jo në Shqipëri, me një kazino që është në zonën Vlorës, por kazinoja e tyre është e shtrirë edhe Meksikë”, u shpreh gazetari.

Ai sqaroi se prokuroria dhe policia shqiptare nuk ka evidenca lidhur me këta shtetas, edhe pse përmenden si të përfshirë në kartelin e drogës.

Mediat meksikanë kanë zbardhur skemën me anë të së cilës karteli i Sinaloas pastron para në Shqipëri. Në krye të saj qëndron Ismael Zambada García, drejtuesi i kartelit meksikan, i njohur si El Mayo.

Sipas mediave të vendit latin, ai është i lidhur me katër vëllezërit shqiptarë; Luftar, Arben, Fatos dhe Ramiz Hysa të cilët prej vitesh janë të vendosur në Meksikë, fotografitë e të cilëve janë publikuar. Ata zotërojnë disa kazino dhe biznese të tjera në fushën e Turizmit.

Në skemën e publikuar, mediat meksikanë sqarojnë se vëllezërit Hysa janë të lidhur me një kazino e cila është e ngritur në Vlorë./euronews





Lajmet e fundit nga