LEXO PA REKLAMA!

SHKARKO APP

App Store
Google Play

Kapen mallra kontrabandë që vinin nga Greqia/ Arrestohet shoferi i autobusit në Kakavijë

16 Shtator 2022, 16:12, Kronika CNA
Kapen mallra kontrabandë që vinin nga Greqia/ Arrestohet shoferi i
Mallrat e sekuestruara

Finalizohet operacioni policor i koduar "Midnight", në sajë të të cilit janë sekuestuar mallra të ndryshme ushqimore dhe industriale, të kontrabanduara.  

Blutë bëjnë me dije se kanë vënë në pranga 37-vjeçarin me iniciale E.G., banues në Fier, i cili ishte drejtues i autobusit që transportoi mallrat e kontrabanduara, nga Greqia për në Shqipëri.

Në hyrje të RSH-së, në Pikën e Kalimit Kufitar Kakavijë, shërbimet e policisë kanë kaluar për kontroll në vijën e dytë, një autobus të linjës Athinë-Tiranë, me drejtues shtetasin E. G.

Nga kontrolli i ushtruar në bagazhin e autobusit u gjetën mallra të ndryshme ushqimore dhe industriale (37 goma makinash, 200 litra vaj makinash, 5 thasë me konfeksione, 20 pako cigare, 2 kuti me medikamente mjekësore, etj), të cilat ishin të pashoqëruara me dokumentacionin përkatës.

Ndërkaq, materialet në ngarkim të shtetasit E. G. i kaluan Prokurorisë pranë Gjykatës së Shkallës së Parë Gjirokastër, për veprat penale "Kontrabanda me mallra të tjera", "Kontrabanda me mallra për të cilët paguhet akcizë ose me pezullim të plotë apo të pjesshëm nga detyrimet doganore ose të akcizës" dhe "Kontrabanda me mallra të ndaluara ose të kufizuara"./ B.A. – CNA.al

Kapen mallra kontrabandë që vinin nga Greqia/ Arrestohet shoferi i

Lajmet e fundit nga