E fundit!

18:30 Kronika

Radhë të gjata mjetesh në drejtim të Tiranës/ Trafik i rënduar në dy akse

Një fluks i madh automjetesh raportohet mbrëmjen e kësaj t...

Një grua "molla e sherrit"/ Si nisi sherri i përgjakshëm mes shqiptarëve në Itali?

17 Shtator 2022, 10:31, Kronika CNA

"Sherri në një festë ditëlindjeje mes shqiptarëve. Sulmuesi pasi qëlloi me armë zjarri dhe plagosi në këmbë një 30-vjeçar, u rrethua dhe qëlloi sërish duke vrarë djalin. I rrahur nga të pranishmit ndodhet në gjendje të rëndë."- kështu nis shkrimi i Milano Corriere, për një ngjarje tragjike që ka ndodhur mes shqiptarëve në Itali.

Një 34-vjeçar qëlloi ndaj bashkatdhetarëve të tij dhe si pasojë e të shtënave një 23-vjeçar shqiptar humbi jetën ndërsa një 30-vjeçar u plagos. Corriere della sera raporton se shkak është bërë një grua.

Sipas Corriere della sera, dyshohet se “molla e sherrit” ka qenë një grua.

Ngjarja e përgjakshme ndodhi rreth orës 23:30 pranë rrugës numër 8 të via Allea Comunale, në qendër të qytetit të vogël në provincën e Milanos, rreth 20 kilometra nga Legnano. Tre shqiptarët e përfshirë në të shtënat kanë qenë pjesë e një grupi bashkatdhetarësh që festonin ditëlindjen. Duket se gjatë festës një nga të rinjtë e pranishëm është dukur paksa tepër këmbëngulës ndaj një gruaje në grup. Për këtë arsye ka lindur një sherr i cili më pas ka përfunduar në të shtënat, të cilat kanë ndodhur në rrugë dhe në tragjedi.

Sipas rikonstruksionit të ushtarakëve të kompanisë Legnano, 34-vjeçari ka nxjerrë armën dhe ka qëlluar 30-vjeçarin, duke e plagosur. Më pas pjesëmarrësit e tjerë të festës rrethuan sulmuesin, i cili qëlloi të shtëna të tjera, njëra prej të cilave e goditi 23-vjeçarin në qafë. I riu ka ndërruar jetë pak orë më vonë në spitalin e Legnano-s, pasi plumbi ka dëmtuar arterien karotide. I plagosuri u shtrua me kod të verdhë në spitalin në Busto Arsizio.

Një grua "molla e sherrit"/ Si nisi sherri i

Arma e përdorur është një pistoletë e kalibrit 6.35 e raportuar e humbur në vitin 2017 në provincën e Komos. Vrasësi u çarmatos nga miqtë e viktimës dhe u godit me shkelma dhe grushtaderi ne ardhjen e karabiniereve te Legnanos qe e arrestuan . Burri është transportuar në spitalin e Gallarates, ku ndodhet në roje, në gjendje të rëndë.

Përveç shpëtimtarëve të Kryqit të Kuq të Gallarate dhe Busto Arsizio, në vendngjarje mbërritën edhe karabinierët. Po ashtu edhe kryebashkiaku i Turbigo, Fabrizio Allevi. Karabinierët po shikojnë atë që është filmuar nga kamerat e zonës për të kuptuar më mirë se si kanë shkuar faktet, përtej dëshmive të mbledhura./CNA.al