LEXO PA REKLAMA!

SHKARKO APP

Udhëtonin me armë dhe drogë në makinë/ Arrestohet 19-vjeçari në Kurbin, procedohet vëllai i tij

28 Janar 2023, 09:03, Kronika CNA
Udhëtonin me armë dhe drogë në makinë/ Arrestohet
Arma e sekuestruar

Policia ka arrestuar një person në Kurbin, në sajë të operacionit policor të koduar "Brothers".

Bëhet fjalë për 19-vjeçarin me iniciale G.B., i cili u ndalua teksa po udhëtonte me makinë në afërsi të mbikalimit të Patokut.

Gjithashtu është proceduar në gjendje të lirë vëllai i tij me iniciale G. B., 22 vjeç, pasagjer në makinën që po drejtonte 19-vjeçari.

 Gjatë kontrolleve fizike të ushtruara ndaj tyre, shërbimet e Policisë i gjetën 19-vjeçarit, në çantë, një armë zjarri pistoletë, ndërsa 22-vjeçarit, një sasi lënde të dyshuar narkotike kanabis. Gjithashtu, gjatë kontrollit në automjetin me të cilin qarkullonin këta shtetas, u gjetën një peshore elektronike dhe mjete të tjera që dyshohet se përdoreshin për ndarjen e lëndës narkotike.

Blutë sekuestruan në cilësinë e provës materiale, arma e zjarrit pistoletë, sasia e lëndës narkotike kanabis dhe mjetet që i shërbenin ndarjes së lëndës narkotike.

Ndërkaq, materialet procedurale i kaluan Prokurorisë pranë Gjykatës së Rrethit Gjyqësor Kurbin për veprime të mëtejshme./ B.A. - CNA.al

Lajmet e fundit nga