web counter
LEXO PA REKLAMA!

SHKARKO APP

App Store
Google Play

Tregtonte telefona kontrabandë/ Arrestohet administratori i dyqanit, procedohet një tjetër

8 Korrik 2022, 10:31, Kronika CNA
Tregtonte telefona kontrabandë/ Arrestohet administratori i dyqanit,
Telefonat e sekuestruar

Një 55-vjeçar është vënë në prangat e policisë ditën e sotme pasi tregtonte telefona që ishin futur kontrabandë në vendin tonë.

Nga ky operacion, policia i ka sekuestruar 27 aparate celulare iPhone 13 Pro Max, të dyshuar të kontrabanduar.

Gjithashtu, u procedua penalisht në gjendje të lirë shtetasi F. Q., 41 vjeç, banues në Tiranë. 

Tiranë

Finalizohet me sukses operacioni policor i koduar "Phones"

Operacioni, nga Seksioni për Hetimin e Krimit Ekonomik dhe Financiar në DVP Tiranë. 

Sekuestrohen 27 aparate celulare iPhone 13 Pro Max, të dyshuar të kontrabanduar.

Vihet në pranga administratori i subjektit që i tregtonte, procedohet në gjendje të lirë një punonjës i këtij subjekti.

Specialistët e Seksionit për Hetimin e Krimit Ekonomik dhe Financiar në DVP Tiranë, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës me mallra, bazuar dhe në informacionet e marra në rrugë operative, organizuan dhe finalizuan operacionin policor të koduar "Phones".

Si rezultat i tij u në arrestimi në flagrancë i shtetasit:

- K. Q., 55 vjeç, banues në Tiranë, për veprat penale "Kontrabanda me mallra të tjerë", "Tregtimi dhe transportimi i mallrave që janë kontrabandë", "Fshehja e të ardhurave" dhe "Mospagimi i taksave dhe tatimeve".

Gjithashtu, u procedua penalisht në gjendje të lirë shtetasi F. Q., 41 vjeç, banues në Tiranë. 

Gjatë kontrollit në subjektin me administrator shtetasin K. Q. dhe punonjës shtetasin F. Q., në Rrugën e Durrësit, shërbimet e Policisë, gjetën dhe sekuestruan, në cilësinë e provës materiale, 27 aparate celulare, që dyshohet se janë futur kontrabandë. 

Materialet i kaluan Prokurorisë, për veprime të mëtejshme procedurale./E.T-CNA.al

 





Lajmet e fundit nga