web counter
LEXO PA REKLAMA!

SHKARKO APP

App Store
Google Play

Bënte namin me vjedhje në Sarandë/ Arrestohet 25-vjeçari, e pëson edhe shoku i tij

7 Korrik 2022, 12:33, Kronika CNA
Bënte namin me vjedhje në Sarandë/ Arrestohet 25-vjeçari,
Foto ilustruese

Një 25-vjeçar ka përfunduar në prangat e policisë në Sarandë pasi akuzohet se ka vjedhur një sasi parash dhe sende personale.

Sipas njoftimit të policisë, në pranga ka rënë edhe një shtetas tjetër për moskallëzim krimi.

Njoftimi i policisë/ Sarandë

Finalizohet operacioni policor i koduar “Silence”, i zhvilluar nga Komisariati i Policisë Sarandë.

Vodhi një sasi parash dhe sende personale, në një automjet, identifikohet dhe arrestohet në flagrancë 25-vjeçari, i dënuar më parë për të njëjtën vepër penale.

Në pranga edhe një shtetas tjetër, për moskallëzim krimi.

Shërbimet e Komisariatit të Policisë Sarandë, në bashkëpunim me Forcën e Posaçme “Shqiponja”, në vijim të punës për zbardhjen dhe dokumentimin e vjedhjeve të ndodhura më parë, kapjen dhe vënien para përgjegjësisë penale të autorëve, kanë zhvilluar dhe finalizuar operacionin policor të koduar “Silence”, në kuadër të të cilit bënë arrestimin e shtetasve:

- Xh. K., 25 vjeç, banues në Tiranë, i dënuar më parë për veprën penale “Vjedhja” dhe B. H., 24 vjeç, banues në Berat.

Shtetasi Xh. K. dyshohet se ka vjedhur në një automjet, në Sarandë, një shumë parash, karta bankomati, 2 aparat celulare dhe 1 tabletë Smart.

Nga veprimet hetimore dyshohet se shtetasi B. H. ka qenë i pranishëm në momentin e vjedhjes, por nuk ka kallëzuar krimin në Polici. 

Materialet i kaluan Prokurorisë panë Gjykatës së Rrethit Gjyqësor Sarandë, për veprat penale “Vjedhja”, në ngarkim të shtetasit Xh. K. dhe "Moskallëzim i krimit", në ngarkim të shtetasit B. H./E.T-CNA.al

 





Lajmet e fundit nga