web counter
LEXO PA REKLAMA!

SHKARKO APP

App Store
Google Play

Tentoi të korruptojë policin dhe iku me shpejtësi/ “Shqiponjat” kapin 35-vjeçarin me drogë, armë e para

7 Korrik 2022, 17:12, Kronika CNA
Tentoi të korruptojë policin dhe iku me shpejtësi/
Arrestimi i 35-vjeçarit

Finalizohet operacioni policor i koduar “Action”, në sajë të të cilit është arrestuar një person që qarkullonte me armë zjarri dhe me lëndë narkotike.

Bëhet fjalë për shtetasin me iniciale S.C., 35 vjeç, banues në Kamzë.

Bazuar në informacionet e siguruara për një shtetas që udhëtonte me armë zjarri dhe lëndë narkotike në automjet, shërbimet e Policisë Rrugore e ndaluan të riun që po udhëtonte me makinë në autostradën Durrës-Tiranë.

35-vjeçari, për t’iu shmangur kontrollit, ka tentuar të korruptojë punonjësit e Policisë dhe më pas është larguar me shpejtësi në momentin që punonjësit e Policisë do ta shoqëronin në Komisariatin e Policisë. 

Pas ndjekjes nga shërbimet e tjera të Policisë, ky shtetas është kapur në Shijak, nga shërbimet e Forcës së Posaçme “Shqiponja”. Gjatë kontrolit fizik, 35-vjeçarit iu gjetën dhe iu sekuestruan një sasi lënde e dyshuar narkotike heroinë, një armë zjarri pistoletë me municion luftarak dhe një shumë parash. 

Ndërkaq, materialet në ngarkim të këtij shtetasi iu referuan Prokurorisë pranë Gjykatës së Shkallës së Parë Durrës, për veprat penale "Mbajtja pa leje e armëve, armëve shpërthyese e municionit", "Prodhimi dhe shitja e narkotikëve", "Korrupsioni aktiv i personave që ushtrojnë funksione publike" dhe "Drejtimi i automjetit në mënyrë të parregullt”./ B.A. - CNA.al

 





Lajmet e fundit nga