web counter
LEXO PA REKLAMA!

SHKARKO APP

App Store
Google Play

Kapet vrasësi i shumëkërkuar në Vlorë/ Bie në pranga edhe kushëriri "bodyguard"

7 Korrik 2022, 15:58, Kronika CNA
Kapet vrasësi i shumëkërkuar në Vlorë/ Bie në
Arrestimi i Ani Begajt

Kapet pas disa minutash ndjekjeje nga Policia, i shumëkërkuari i dënuar me 35 vjet burgim për vrasje të dyfishtë, i cili ruhej dhe shoqërohej nga një person i armatosur.  

Gjithashtu në pranga është vënë edhe drejtuesi i automjetit që ishte i armatosur dhe shoqëronte personin e shumëkërkuar.

Arrestimi i tyre u bë në sajë të operacionit policor të koduar “Chasing”, bazuar në informacionet e siguruara nga shërbimet e specializuara se disa persona që mbanin armë zjarri me vete po qarkullonin me automjet.

Pas lokalizimit të automjetit, shërbimet e Policisë i kanë bërë shenjë ndalimi drejtuesit të tij, i cili nuk ka ndaluar, por ka vazhduar lëvizjen me shpejtësi, duke rrezikuar jetën e punonjësve të Policisë dhe të përdoruesve të tjerë të rrugës.  

Kapet vrasësi i shumëkërkuar në Vlorë/ Bie në

Konkretisht u kapën në lagjen “Pavarësia”, shtetasit:

-Ani Begaj, 27 vjeç, banues në Vlorë, i shpallur në kërkim pasi Gjykata e Apelit Vlorë, me vendimin e datës 01.11.2016, e ka dënuar me 35 vjet burgim, për veprat penale "Vrasja në rrethana cilësuese", kryer në bashkëpunim dhe "Armëmbajtja pa leje". 27-vjeçari, më datë 07.04.2015, në lagjen "24 Maji", dyshohet se në bashkëpunim me tre shtetas të tjerë, ka vrarë me armë zjarri shtetasit F. V. dhe H. R., pas një konflikti për motive të dobëta;

-E. B., 26 vjeç, banues në Vlorë, që shoqëronte dhe ruante shtetasin Ani Begaj.

Gjatë kontrollit fizik nga shërbimet e Policisë, 26-vjeçarit iu gjet një armë zjarri pistoletë dhe 1 krehër me municion luftarak, të cilët u sekuestruan në cilësinë e provës materiale, së bashku me automjetin.

Ndërkaq, materialet iu referuan Prokurorisë pranë Gjykatës së Rrethit Gjyqesor Vlorë, për veprime të mëtejshme./ B.A. – CNA.al





Lajmet e fundit nga