E fundit!

14:19 Aktualitet

Qeveria plan për rivlerësimin e profesioneve të rregulluara, në fokus 323 kategori

Shqipëria do të nisë një proces të gjerë për rishikimin e ...

Tragjedia në Shkodër/ Softa: Të bëhen hetime të thelluara

7 Maj 2024, 20:32, Kronika CNA

Ngjarja tragjike në Shkodër ku 39 vjeçarja Alma Arrazi dyshohet se është hedhur në lumin Buna duke marrë me vete 3 fëmijët e saj të mitur, të moshave 9, 8 dhe 3 vjeç ka tronditur vendin.

Eksperti i sigurisë, Fatjon Softa në një intervistë për CNA TV me gazetaren Fabjona Pasho thotë se hetimet në lidhje me këtë tragjedi duhet të jenë të thelluara dhe të studiohet çdo detaj, për tëzbardhur ngjarjen.

"Duhet të jetë eksperti i cili, pasi ka kqyrur kufomën mund të thotë nëse kishte shenja dhune apo jo mund të kenë ardhur nga përplasja me degët, apo sende të forta. Hetimet e mëtejshme do tregojnë nëse edhe ata kanë pasur një hedhje në ujë. Kemi një veprim të vullnetshëm nga nëna, hedhje në lumë, apo pas vrasjes apo goditjes të jenë hedhur në lumë.

Janë duke u kqyrur kamerat, në të dy krahët e urës, ku mendohet se ka qenë fillesa.

Hetimet duhet të vijojnë për të parë komunikimet, tabulatet telefonike, antenat e lëvizjes së personit, të bashkëshortit, komunimimet që mund të kenë patur me njëri-tjetrin, apo me një vajzë tjetër që dyshohet se mund të kenë pasur një lidhje. Çdo gjë që mund të zbulojë dinamikën e ngjarjes", shprehet ai.

Mbyti fëmijët dhe veten/ Flet babai i gruas: I kërkova të divorcohet
7 Maj, 17:24

Softa thekson se duhet të përmirësohet kuadri ligjor, në mënyrë që gratë të mos druhen për të denoncuar dhunën në familje.

"Fatkeqësisht gratë në Shqipëri vazhdojnë të jenë të dhunuara. Frika, dhuna verbale, dhuna fizike, i ka izoluar që problemin ta mbajnë brenda familjes dhe mos ta ekspozojnë nga familjarët apo institucionet ku mund të kërkojnë ndihmë. Ndihma mund të ishte jo vetëm për mbrojtje ligjore, por edhe ndihmë ekonomike, sepse pavarësia ekonomike e vret frikën dhe krijon mundësinë e shkëputjes nga dhunuesi. Nëse një grua ka kërkuar urdhër mbrojtje, jo gjithmonë ka funksionuar.

A mund të ketë një kuadër ligjor më të përmirësuar? MEndoj se ka nevojë për një konsultë të gjerë, ku shtresat sociale, institucionet, apo shoqatat që kanë një eksperiencë të gjatë gjithë këto vite, që të shikojnë mundësinë për një kuadër ligjor më të plotë. Ne nuk kemi funksionuar edhe me sistemin e burgosjes. Burgu bën izolimin, por jo integrimin. Nëse ata që dënohen për dhunë në familje dalin dhe përsërisin dhunën, do të thotë se burgosja nuk funksionon.", nënvizon eksperti i sigurisë.

Softa foli edhe për ngjarjen e rëndë në Dropull, ku një çift të moshuarish u vra nga fqinji i tyre, duke thënë se rritja e kriminalitetit në vend është në nivele alarmante./ CNA TV