web counter
LEXO PA REKLAMA!

SHKARKO APP

App Store
Google Play

Qëlloi me kallashnikov 35-vjeçarin/ Arrestohet i riu në Fier

7 Maj 2024, 16:52, Kronika CNA
Qëlloi me kallashnikov 35-vjeçarin/ Arrestohet i riu në Fier
Foto ilustruese

Mesditën e së martës, policia e Fierit ka vënë në pranga 25-vjecarin A. M., pasi qëlloi me armë zjarri një person.

Konflikti me 35-vjeçarin me iniciale P. O. ka qenë për motive të dobëta.

Nga hetimet ka rezultuar se fillimisht i riu është konfliktuar me 35-vjeçarin dhe më pas ka shkuar në banesë, ka marrë armën e zjarrit dhe e ka qëlluar.

25-vjeçari akuzohet për veprat penale "Kanosja" dhe "Mbajtja pa leje dhe prodhimi i armëve, armëve shpërthyese dhe i municionit".

Njoftim i policisë:

Ndërhyrja në kohë e shërbimeve të Policisë parandaloi përshkallëzimin e një konflikti të çastit mes disa shtetasve.

Kapet dhe vihet në pranga 25-vjeçari që qëlloi me armë zjarri, për të kanosur njërin nga shtetasit e përfshirë në konflikt.

Sekuestrohet arma e zjarrit kallashnikov.

Pas marrjes së njoftimit se në fshatin Levan, Fier, disa shtetas po konfliktoheshin me njëri-tjetrin, shërbimet e Komisariatit të Policisë Fier dhe të Forcës Kombëtare të Sigurisë, Njësia Fier, kanë shkuar menjëherë në vendin e ngjarjes ku si rezultat i ndërhyrjes së shpejtë kanë bërë të mundur kapjen në flagrancë dhe arrestimin e shtetasit A. M., 25 vjeç, banues në Levan.

Ky shtetas është konfliktuar fizikisht, për motive të dobëta, me shtetasin P. O., 35 vjeç dhe me disa shtetas të tjerë. Më pas, 25-vjeçari ka marrë në banesën e tij, një armë zjarri kallashnikov me të cilën ka qëlluar për të kanosur 35-vjeçarin.

Shërbimet e Policisë kanë gjetur dhe sekuestruar në cilësinë e provës materiale armën e zjarrit kallashnikov.

Materialet procedurale i kaluan Prokurorisë, për veprime të mëtejshme, për veprat penale "Kanosja" dhe "Mbajtja pa leje dhe prodhimi i armëve, armëve shpërthyese dhe i municionit"./ CNA





Lajmet e fundit nga