web counter
LEXO PA REKLAMA!

SHKARKO APP

App Store
Google Play

E fundit!

x

Kapet me mbi 53 kilogramë drogë/ Arrestohet 46-vjeçari në Qafë-Thanë

7 Maj 2024, 09:30, Kronika CNA
Kapet me mbi 53 kilogramë drogë/ Arrestohet 46-vjeçari në
Droga e sekuestruar

Policia ka arrestuar në pikën kufitare të Qafë-Thanës një 46-vjeçar me iniciale E.G., të cilit iu sekuestruan 53.3 kilogramë lëndë e dyshuar narkotike kanabis, një automjet dhe dy celularë.

Sasia e drogës, e cila dyshohet se do të trafikohej në drejtim të Maqedonisë së Veriut. 

Njofimi i Policisë:

Finalizohet operacioni antidrogë i koduar "Restart 17", për goditjen e një tjetër rasti të tentativës për trafikim të lëndëve narkotike.

Vihet në pranga 46-vjeçari, që dyshohet se do trafikonte me automjet lëndë narkotike, drejt Maqedonisë së Veriut.

Sekuestrohen 53.3 kilogramë lëndë e dyshuar narkotike kanabis, një automjet dhe dy celularë.

Specialistët e Seksionit për Hetimin e Narkotikëve të DVP Korçë, pas një pune hetimore disamujore, të zhvilluar për goditjen e krimeve ndërkufitare, si dhe në vijim të zbatimit të masave në kuadër të planeve operacionale kombëtare ,"Tempulli" dhe "Sundimi i ligjit", në drejtimin e Prokurorisë, në bashkëpunim me DVKM Korçë finalizuan me sukses operacionin policor të koduar "Restart 17".

Si rezultat i këtij operacioni, u arrestua në flagrancë shtetasi:

-E. G., 46 vjeç, banues në Korçë.

Gjatë kontrollit të ushtruar në vijën e dytë, në dalje të Republikës së Shqipërisë, në Pikën e Kalimit Kufitar Qafë Thanë, shërbimet e Policisë, gjetën në automjetin tip "Volkswagen" që ky shtetas drejtonte, 53.3 kilogramë me lëndë të dyshuar narkotike cannabis sativa, e ndarë në pako. Sasia e drogës, e cila dyshohet se do të trafikohej në drejtim të Maqedonisë së Veriut, u sekuestrua në cilësinë e provës materiale, së bashku me dy celularë dhe automjetin.

Vijojnë hetimet për dokumentimin e plotë të rastito dhe për vënien para përgjegjësisë ligjore të shtetasve të tjerë të implikuar në këtë veprimtari kriminale.

Materialet procedurale i kaluan Prokurorisë./CNA 





Lajmet e fundit nga