web counter
LEXO PA REKLAMA!

SHKARKO APP

App Store
Google Play

E fundit!

x

Tragjedia në Shkodër/ Flet kunati i viktimës, akuzat për tradhti dhe kafja me nusen

6 Maj 2024, 21:36, Kronika CNA

Tragjedia në Shkodër/ Flet kunati i viktimës, akuzat për

Një tjetër dëshmi vjen për tragjedinë në Shkodër pas arrestimit të shtetasit E. A. për shkak të vetëvrasjes së gruas së tij, A. A., e cila mbyti fëmijët dhe më pas veten në lumin Buna.

E. A., vëllai i të akuzuarit, mohoi akuzat se vëllai i tij ka dhunuar bashkëshorten 39-vjeçare. Sipas tij, nëna e 3 fëmijëve ishte pjesë e rëndësishme e familjes dhe trajtohej si nusja e shtëpisë.

Nga ana tjetër, kunati i 39-vjeçares sqaron se në familje kishte tensione të shumta dhe se ata kishin bërë gati 4 arkivolë për varrimin e A. A. dhe 3 fëmijët e saj.

E. A. gjithashtu shprehet për pengesat që i janë bërë në organizimin e varrimit, duke thënë se prokuroria e ka lejuar vëllain të marrë pjesë në ceremoni, por policia e ka bllokuar këtë proces.

Më tej, ai shton se ka 3 ditë që ka dalë nga burgu dhe thotë se nuk ka dijeni nëse i vëllai i tij ka pasur lidhje tjetër.

Një detaj i rëndësishëm është se A. A. trajtohej prej kohësh me ilaçe për stresin dhe depresionin, duke ngritur pyetje rreth gjendjes së saj psikologjike përpara veprimit tronditëse.

Dëshmia e kunatit:

Akuzat për dhunë

"Është një ngjarje shumë e rëndë që na ka ndodhur në familjen tonë sepse ende nuk janë gjetur dy trupat e tjerë dhe dy i kemi të vdekur. Dua të sqaroj opinionin publik se vëllain tim e njeh e gjithë Shkodra sepse ka punuar në servis celularësh. Është e pavërtetë se vëllai ka ushtruar dhunë psikologjike apo fizike ndaj nuses tonë të shtëpisë. Ne pas ngjarjes së rëndë kemi bërë katër arkivola dhe nusen do ta përcjellim bashkë me të tre fëmijët.

Ajo ka qenë nusja jonë dhe ne e kemi dashur dhe respektuar. Sa i përket ngjarjes nuk është e vërtetë se vëllai e ka dhunuar. Prokuroria na ka dhënë leje që vëllai të vinte në varrim dhe policia nuk e lejoi që ti hidhte një grusht dhe vajzës që varrosëm sot. Unë dua ti bëj thirrje të gjithëve që të mos nguten dhe të na lënë kohë që të dalë e vërteta e ngjarjes. Vëllai dhe nusja kanë shkuar shumë mirë dhe nuk kanë patur probleme siç po akuzohet gjithandej. Unë dua që vëai të vijë në shtëpi dhe të varrosim edhe vajzën tjetër që u gjet sot. Faktet janë gjithandej se nuk është dhunues vëllai im sepse e njohin të gjithë. Ne kemi jetuar në një shtëpi sëbashku dhe nëse ka patur dhunë të paktën njëherë do e kishte denoncuar ose do kishte trokitur në dyert e ndonjë shoqata ose do e kishte gjetur një zgjidhje. Ne i kemi njoftuar për çdo gjë familjen e nuses tonë, që nga momenti i parë dhe deri më tani. Sot nuk kanë qenë në varrim por e dimë se dhimbja edhe për ata është po aq e madhe sa e jona. Edhe ata janë të respektuar nga ana jonë. Nusja është trajtuar prej shumë kohësh me ilaçe për stresin dhe depresionin. Nuk është se ka qenë në një gjendje të rënduar por herë pas herë ka marrë ilaçe. Ngjarja është shumë e rëndë dhe jemi tejet të ngarkuar. Unë për vete kam tre ditë që kam dalë nga burgu. Bëra katër vite burg dhe nuk e di ende se për çfarë i bëra sepse me kanë dënuar për bimë narkotike gjë që nuk është e vërtetë."

Kafja me kunatën

"Nusja ime dhe nusja e vëllait atë pasdite kanë dalë si gjithmonë për të pirë kafe bashkë më fëmijët sepse kanë dalë shpesh sëbashku. Pasi kanë konsumuar kafen i ka thënë nuses time se do nisem  për në Durrës dhe do vijë të marrë vëllai. Nuk ka shfaqur asnjë problem gjatë qëndrimit në kafe dhe është sjellë krejt normalisht. I ka thënë se kam folur me burrin për vëllanë tim dhe se do iki për Durrës sepse më merr vëllai."

Dyshimet për tradhti

“Unë nuk e di se ka patur një lidhje tjetër vëllai po sikur të ketë patur edhe 20 lidhje ai veprim nuk është asnjëherë i justifikueshëm sepse është një ngjarje e rëndë. Në dijeninë time nuk di të ketë patur lidhje jashtëmartesore”./ CNA





Lajmet e fundit nga