web counter
LEXO PA REKLAMA!

SHKARKO APP

App Store
Google Play

Mbyti fëmijët dhe veten/ Flet babai i gruas: I kërkova të divorcohet

7 Maj 2024, 17:22, Kronika CNA
Mbyti fëmijët dhe veten/ Flet babai i gruas: I kërkova të
Foto ilustruese

Detaje të reja kanë dalë për tragjedinë e Shkodrës, ku Alma Arrazi mbyti fëmijët dhe më pas veten në lumin Buna.

Për këtë ngjarje ka reaguar babai i Almës, ku në gjendje të rënduar tregon për mediat se i ka kërkuar vajzës që t’i japë fund martesës me bashkëshortin.

“I kemi thënë që çdo ka marrë fund, duhet ta kuptosh diçka të tillë. Lëre dhe eja në shtëpi. Nuk je as e para as e fundit”, ka zbuluar ai.

Gjithashtu ai ka thënë se kufoma e vajzës së tij do të varroset në Durrës, te nëna e saj.

“Nuk është gjë e vogël që të përcjellësh 4 kufoma. Jemi në gjendje nuk e di si ta them, nuk më dalin fjalët. Nuk e kam mendjen. Kunati ka thënë kam blerë 4 arkivole, po goca ime nuk varroset atje sa të jem gjallë unë. Gocën time do ta marr ta varros në Durrës, te nëna e vet. Nuk kemi njeri në Shkodër ne”, u shpreh babai i viktimës.

Nga ana tjetër, avokati mbrojtës është paraqitur në Gjykatë bashkë me dokumentin mjeko-ligjor, që sipas tij vërteton se Alma Arrazi kishte probleme psikologjike.

Por kërkesa e palës mbrojtëse nuk është marrë në konsideratë nga Gjykata, e cila ka vendosur masën e sigurisë 'arrest në burg'. Prokuroria ka depozituar dosjen me akuzën për shkaktim të vetëvrasjes./ CNA





Lajmet e fundit nga