web counter
LEXO PA REKLAMA!

SHKARKO APP

App Store
Google Play

E fundit!

x

Tjetërsuan prona në Kune Vain/ Lihet i lirë drejtori i ADMZ dhe dy vartësit e tij

30 Dhjetor 2022, 09:12, Kronika CNA
Tjetërsuan prona në Kune Vain/ Lihet i lirë drejtori i ADMZ dhe
Foto Ilustruese

Gjykata caktoi masën “detyrim paraqitje”, për drejtorin e Administrimit të Zonave të Mbrojtura në Lezhë Pjetër Toni dhe 2 vartësit e tij.

Ata ishin arrestuar në muajin qershor, nën akuzën e “shpërdorimit të detyrës”.

Gjykata ndryshoi masën e sigurisë nga “arrest shtëpie” në “detyrim paraqitje”, për drejtorin e ADZM Pjeter Toni, si dhe liroi nga qelia dy punonjësit e këtij institucioni Armando Lleshaj, 27 vjeç specialist monitorimi dhe Tom Gjelaj, 63 vjeç, roje mjedisore, duke vendosur ndaj tyre masën detyrim paraqitje.

Gjyqtari Artan Hajredinaj, argumentoi se masa e tyre është zbutur për shkak se nuk përbëjnë rrezik për tjetërsimin e pronave.

Kujtojmë se këta 3 shtetas ishin nën hetim lidhur me tjetërsimin e disa pronave në zonën e mbrojtur “Laguna Kune-Vain”.

Sipas prokurorisë 3 zyrtarët e ADZM nuk kanë përmbushur detyrat funksionale dhe kishin lejuar “dëmtimin e zonës së mbrojtur të Kune – Vainit.

Dëmi ishte kryer konkretisht në zonën e njohur si “Grykëderdhja e Matkeqës”.

Hetimet provuan se në këtë zonë të mbrojtur janë hedhur inerte për ta kthyer në tokë dhe gjithashtu ka pasur përpjekje për tjetërsimin e saj.

Policia e Lezhës procedoi penalisht edhe 3 persona të tjerë për hedhjen e inerteve në lagunë./CNA.al

 

 





Lajmet e fundit nga