web counter
LEXO PA REKLAMA!

SHKARKO APP

App Store
Google Play

E fundit!

x

Mashtrime me mijëra euro/ Del fotoja e Viola Sterjos, si përfitonte shuma të mëdha parash

28 Dhjetor 2022, 14:29, Kronika CNA
Mashtrime me mijëra euro/ Del fotoja e Viola Sterjos, si përfitonte
Foto ilustruese, Viola Sterjo

Detaje të reja kanë dalë në dritë pas arrestimit të Viola Sterjos, e cila është vënë në pranga pasi akuzohet për veprën penale “Mashtrimi”.

Sterjo dyshohet se ka mashtruar 5 subjekte, duke u marrë shuma që variojnë dhjetëra mijëra euro, shkruan "Euronews".

Më tej thuhet se më 12 dhjetor 2022 në prokurorinë e Korçës është bërë një kallëzim nga një qytetar, i cili kishte një pronë në Voskopojë dhe donte të ndërtonte aty një hotel.

Qytetari përmes një të njohuri kishte takuar Viola Sterjon, punonjëse e AKSH-it në atë kohë, e cila i kishte premtuar se do të ndërhynte tek AZHBR për të përfituar një grand.

Në fillim denoncuesi i ka dhënë Sterjos 57 mijë euro dhe 1 milion lekë. Por nuk përfundon këtu mashtrimi i Sterjos.

Një tjetër qytetar nga Pogradeci gjithashtu ka bërë denoncim se i ka dhënë asaj shuma të ndryshme, si 9 dhe 28 mijë euro, në mënyrë që ajo të ndërhynte te AZHBR për të përfituar një grant prej 1.2 milionë euro për një bujtinë.

Më pas një tjetër denoncues thotë se i ka dhënë Sterjos 160 mijë euro pasi ajo i ka premtuar një grant prej 2.2 milionë euro, shkruan "Euronews"./ CNA.al

 





Lajmet e fundit nga