web counter
LEXO PA REKLAMA!

SHKARKO APP

App Store
Google Play

E fundit!

x

Pamje nga atentati ndaj shqiptarëve në Greqi/ Autori breshëri plumbash, bashkëpunëtori e pret me motor ndezur

27 Dhjetor 2022, 19:36, Kronika CNA

Pamje nga atentati ndaj shqiptarëve në Greqi/ Autori breshëri

Pamje të tjera kanë dalë nga vrasja e dy shqiptarëve në Athinë.

Kreshnik Çerçizaj dhe Armando Organaja u ekzekutuan pak kohë më parë brenda një lokali në Athinë.

Në video e publikuar nga mediat greke shihet autori, i cili është lënë rreth 200 metra larg kafenesë ku ndodheshin shqiptarët në sheshin Nea Smyrni.

Autori i maskuar ishte i shoqërua nga një tjetër bashkëpunëtor, i cili teksa autori i vrasjes lëvizte në këmbë, ai e shoqëronte me motor.

Pas 2 minutash ecje, ai shfaqet në kafene, ku qëlloi dy shqiptarët me breshëri plumbash dhe më pas është larguar me vrap, duke lënë pa jetë dy shqiptarët si dhe plagosi me plumb qorr një grua.

Siç shihet edhe nga pamjet bashkëpunëtori në asnjë moment nuk e ndalonte mottorin, pasi qëndronte gati për të marrë vrasësin dhe për t’u larguar dhe të zhduknin gjurmët.

Sipas mediave greke, policia ka sekuestruar pamjet filmike dhe po përpiqen të identifikojnë autorin dhe shokun që e ndihmoi.

Si ndodhi ngjarja

Atentati i dyfishtë në Athinë ka ndodhur vetëm dy ditë pas vrasjes së Edmond papës në Tiranë.

Viktima mbetën Kreshnik Çerçizaj 41 vjeç dhe Armando Organaja 44 vjeç.

Ngjarja ka ndodhur mbrëmjen e 18 dhjetorit, ku një person ende i paidentifikuar ka qëlluar me breshëri plumbash kundrejt dy shqiptarëve.

Për pasojë Kreshnik Çerçizaj mori dy plumba në kokë dhe vdiq në vend ndërsa Armando Organaja mori një plumb në gjoks, por nuk arriti t’i mbijetojë plagëve të marra dhe ka ndërruar jetë sapo ka mbërritur në spital./CNA.al





Lajmet e fundit nga