I akuzuar për vrasjen e 3 shqiptarëve/ Kush është Klodian Lekocaj, videomesazh nga burgu: S'kam lekë as për paketë

26 Dhjetor 2022, 20:41, Kronika CNA

I akuzuar për vrasjen e 3 shqiptarëve/ Kush është Klodian

Ditët e fundit emri i Klodian Lekocaj, ka qenë një ndër emrat më të lakuar, ku është konsideruar si kreu i një grupi vrasësish me pagesë.

Ai dyshohet se ka urdhëruar vrasjen e Kreshnik Çerçizaj dhe Armando Organja në Athinë si dhe vrasjen e Edmond Papës në Tiranë.

Mediat greke i kanë kushtuar një artikull, ku kanë bërë një profil lidhur me historinë e tij kriminale, si dhe kanë paraqitur një videotelefonatë nga burgjet e Korydallos në maj të vitit 2019.

Lekocaj kishte një grup vrasësish me pagesë, pjesë e të cilit ishin edhe Brahim Brahimaj e Olti Duçë, të cilë u dënuan me burgim të përjetshëm në Greqi. Ata akuzoheshin per vrasje me dashje të avokatit të njohur Mihalis Zafiropulos.

Ai është cilësuar si kreu i mafias së burgjeve në Greqi, megjithëse vetë Lekocaj nuk e pranon këtë epitet, dhe e cilëson veten sit ë pafajshëm.

Tre vite më parë, përmes një videomesazhi nga burgu Lekocaj deklaronte se ai nuk kishte lekë për të blerë një paketë cigare, e nuk kishte as 8 klasë shkollë, e aq më pak të ishte kreu i një bande kriminale.

“Unë jam Coza Nostra, a jam kreu i mafies së burgjeve në Greqi? Unë jam akuzuar për tre vrasje dhe jam shpallur i pafajshëm për këto akuza. Tani po përballem me një tjetër akuzë për vrasjen e avokatit, e cila ishte e gabuar pasi ata që kryen vrasjen nuk donin ta vrisnin, por ta trembnin.

Për atë që kam bërë, e vuaja dënimin që nga viti 2006, por nuk duroj të më fajësojnë për atë që nuk kam bërë. Duan të më vrasin dhe për këtë u përpoqën tre herë, dy herë me thikë dhe një herë të më helmonin. Unë shkova në burg për vjedhje në vitin 2006 kur isha 29 vjeç dhe sot vazhdoj të përballem me akuza të tjera. Kërkoj zëvendësimin e trupit gjykues pasi jam pa avokat dhe gjyqi do të jetë më 20 maj 2019. Ejani këtu dhe shikoni se si drejtësia po vret shqiptarët.

Të mërkurën kisha gjyqin dhe nuk më dhanë avokat dhe nuk më lanë as të flisja, por më duhej vetëm të dëgjoja akuzat e gardianit të burgut që më akuzonte si vrasës maniak dhe hakmarrës, pa pasur asnjë provë.

Më caktuan një avokat, por ai më la pasi mori vesh se kush isha, ende nuk e kam zyrtarisht akuzën në dorë. Këtu vrasjet i organizon dikush tjetër, nuk jam unë ai që thonë se është Coza Nostra, apo kreu i mafias së “Burgjeve në Greqi”, se nuk kam para të blej as një paketë cigare. Dua që shteti shqiptar të interesohet dhe të dëgjojë se si na ndëshkojnë dhe si na trajtojnë dhe çfarë na bëjnë.

E kuptova që duan të më vrasin duke shkuar më parë në repartin mendor të burgut, nuk e di si na drogojnë meqë fillojmë të flasim marrëzi. Unë, Coza Nostra, që nuk kam mbaruar ende 8 vjet shkollë, më futën këtu për vjedhje kuletash dhe prandaj hyra këtu dhe si po shkojnë gjërat do të më vrasin. Prandaj dua të dëgjohem në mediat shqiptare dhe ato greke.

Unë dyshoj se organizatori i të gjitha këtyre vrasjeve është vetë drejtori i burgut psikiatrik Korydallos, ai i organizon këto vrasje dhe prandaj do të më eliminojë edhe mua. Është ai që del në TV dhe flet kundër meje. Është ai që ka pas vetes një truprojë shqiptar që është dënuar me 11 burgime të përjetshme, është ai që e ka nxjerrë nga burgu dhe është ai që do të më vrasë mua. Ejani mediat dhe na takoni për të parë situatën reale, si na trajtojnë dhe si na fajësojnë, për të parë se kush po i vret shqiptarët. Nuk duroj dot që shqiptarët të na vrasin. Ata vranë aksidentalisht grekun se donin të më vrisnin mua. Por Zoti më ka shpëtuar tani për tani, por çfarë do të ndodhë nesër? E vranë në qeli Bardhyl Tushën. Pse drejtësia greke nuk thotë se kush e vrau? A e vrava edhe unë?

Këtu po vrasin njëri pas tjetrit, pasi vranë aksidentalisht Arbër Bakon, kujtuan se isha unë. Unë paguaj për atë që kam bërë, por nuk duhet të paguaj për atë që nuk kam bërë. Dua që drejtësia të kryqëzojë faktet për akuzën e vrasjes, ndërkohë që nuk kam avokat edhe pse javën tjetër kam gjyq”, thuhet në video mesazhin e tij në 2019./CNA.al