web counter
LEXO PA REKLAMA!

SHKARKO APP

App Store
Google Play

E fundit!

x

Humbja tragjike e stjuardesës 24-vjeçare/ Reagon kompania "Air Albania"

28 Dhjetor 2022, 15:55, Kronika CNA
Humbja tragjike e stjuardesës 24-vjeçare/ Reagon kompania "Air
Greta Dyrmishi, stjuardesa 24-vjeçare

Stjuardesa 24-vjeçare, e cila ndërroi jetë tragjikisht një javë më parë (21 dhjetor), është identifikuar si Greta Dyrmishi.

Lidhur me këtë ngjarje të rëndë ka reaguar edhe kompania “Air Albania”. Ata sqarojnë se 24-vjeçarja ndërroi jetë si pasojë e një ataku kardiak dhe se pavarësisht ndihmës së menjëhershme ajo nuk arriti të shpëtojë.

Reagimi:

Më 21 Dhjetor, pasi zbritëm të gjithë udhëtarët e fluturimit drejt Londrës, një nga anëtarët e ekipit të kabinës, Greta Dyrmishi pësoi atak kardiak.
Edhe pas të gjithë asistencës mjekësore të ofruar në moment, ne përsëri e humbëm.
Air Albania ka kontaktuar familjen e saj që në momentet e para dhe vazhdojmë të jemi pranë tyre në këto momente të vështira.
Në respekt të Gretës dhe familjes së saj, ne vendosëm ta ndajmë lajmin me publikun në momentin më të përshtatshëm.
Ne do ta kujtojmë gjithmonë Gretën si një profesioniste të pasionuar, një bashkëpunëtore të shkëlqyer dhe mikeshë shumë të mirë të të gjithëve ne.
Me besimin se ajo sot gjendet mes mëshirës së Zotit, Air Albania do të vazhdojë t’i qëndrojë pranë familjes.

Kujtojmë se viktima ndërroi jetë në linjën ‘Air Albania” në itinerarin nga Tirana në Londër./CNA.al





Lajmet e fundit nga