web counter
LEXO PA REKLAMA!

SHKARKO APP

App Store
Google Play

E fundit!

x

I vë zjarrin dyqanit dhe tenton t’i djegë makinën/ Policia, në kërkim të 39-vjeçarit

30 Dhjetor 2022, 08:19, Kronika CNA
I vë zjarrin dyqanit dhe tenton t’i djegë makinën/ Policia,
Foto ilustruese

Në orët e para të mëngjesit të sotëm, shtetasi me inicialet Q.M 39 vjeç, i ka vënë zjarrin një dyqani me mallra industriale në pronësi të shtetasit F.V 65 vjeç.

Por nuk është mjaftuar me kaq, duke tentuar të djegë edhe automjetin në pronësi të pronarit të dyqanit.

Policia vijon me punën për kapjen e autorit dhe vënien e tij para ligjit.

“I vuri zjarrin një dyqani dhe tentoi të digjte edhe një automjet në pronësi të të njëjtit shtetas, identifikohet dhe shpallet në kërkim autori i dyshuar.

Specialistët për Hetimin e Krimeve në Komisariatin e Policisë Vlorë, pas veprime të shpejta hetimore, bënë të mundur identifikimin dhe shpalljen në kërkim për veprën penale “Shkatërrimi i pronës me zjarr”, të shtetasit Q. M., 39 vjeç, banues në lagjen “Hajro Çakërri”, Vlorë.

Ky shtetas, në orët e para të mëngjesit, dyshohet se në lagjen “Hajro Çakërri”, Vlorë, i ka vënë zjarrin një dyqani shumice me mallra industrialë, në pronësi të shtetasit F. V., 65 vjeç, ku janë shkaktuar vetëm dëme materiale. Gjithashtu, në lagjen “Uji i Ftohtë”, në afërsi të baneses të shtetasit F. V., ka tentuar të djegë edhe automjeti e markës “Toyota”, po në pronësi të këtij shtetasi.

Vijon puna puna për kapjen e shtetasit Q. M. dhe venien e tij përpara përgjegjësisë ligjore”, njofton policia./ CNA.al





Lajmet e fundit nga