web counter
LEXO PA REKLAMA!

SHKARKO APP

App Store
Google Play

E fundit!

x

Bleu pasaportë të vjedhur në Tik-Tok, u nis drejt Dublinit/ Arrestohet 23-vjeçari shqiptar

28 Dhjetor 2022, 19:00, Kronika CNA
Bleu pasaportë të vjedhur në Tik-Tok, u nis drejt Dublinit/
Foto ilustruese

Një 23-vjeçar shqiptar ka përfunduar në prangat e policisë, pasi u kap teksa udhëtonte me një pasaportë të vjedhur që kishte blerë në TikTok.

Ai është dënuar me gjashtë muaj burg pasi po tentonte të fluturonte për në Dublin.

Bëhet fjalë për Jurgen Qukun, 23 vjeç, i cili u paraqit sot para gjykatës, dhe akuzohej për përdorimin e një pasaporte që i ishte dhënë një personi tjetër.

Inspektori i policisë Christian Abela i tha gjykatës se Quku ishte arrestuar mëngjesin e djeshëm në aeroport pasi zyrtarët e imigracionit vunë re se i akuzuari po përpiqej të përdorte pasaportën e një burri tjetër për të hipur në një fluturim për në Dublin.

Quku tha në polici se ishte larguar nga Shqipëria dhe kishte kaluar në Greqi në këmbë për shkak të ndalimit të udhëtimit. Pas një jave në Greqi, ai kishte blerë një pasaportë holandeze të vjedhur nga një shitës në TikTok dhe e përdori atë për të udhëtuar në Maltë.

Avokati Mark Mifsud Cutajar, duke ndihmuar të akuzuarin si ndihmë juridike, informoi gjykatën se klienti i tij dëshironte të pranonte fajësinë.

Në funksion të bashkëpunimit të tij me policinë, shqiptari u dënua me gjashtë muaj burg, ku gjykata urdhëroi që ai të depërtohej menjëherë pas vuajtjes së dënimit. Azilkërkuesit dhe refugjatët ishin një gjë, tha magjistrati, por abuzimet e kësaj natyre përbënin një rrezik real për sigurinë lokale dhe evropiane.

Magjistrati Mifsud theksoi se barrën e luftimit të këtij lloj krimi duhet ta ndajnë edhe vendet e tjera./CNA.al





Lajmet e fundit nga