web counter
LEXO PA REKLAMA!

SHKARKO APP

App Store
Google Play

Të shtënat drejt policisë në Shkodër/ Ministri Hoxha: Kambanë alarmi

21 Gusht 2024, 17:34, Kronika CNA
Të shtënat drejt policisë në Shkodër/ Ministri Hoxha:
Ministri i Brendshëm, Ervin Hoxha

Ministri i Brendshëm, Ervin Hoxha ka reaguar në lidhje me të shtënat me armë ditën e sotme në Shkodër drejt efektivëve të policisë gjatë një operacioni.

Sipas ministrit është një kambanë alarmi që i vendos përballë një detyre të madhe për të gjetur mekanizmat e menjëhershëm për kontroll më të mirë dhe efikas të territorit  për të siguruar informacionin e duhur me qëllim parandalimin.

“Të qarkullosh me armë zjarri në rrugë, qendra të banuara e kudo, për qëllime kriminale, siç ka ndodhur ditët e fundit apo edhe sot në Malësinë e  Madhe, nuk është thjesht një këmbanë alarmi.

Kjo këmbanë na vendos përballë një detyre të madhe: Për të gjetur mekanizmat e menjëhershëm për kontroll më të mirë e më efikas të territorit, për të siguruar informacionin e duhur, me qëllim parandalimin.

E nga ana tjetër dhe po me kaq rëndësi, për të ndryshuar dhe reformuar organizatën e Policisë, nga qendra në bazë, në një shërbim model, pasqyrë e shoqërisë tonë, model që mund ta ofrojnë vetëm drejtues profesionistë dhe me integritet, dhe një organizatë e mirëstrukturuar dhe reaguese mëse e shpejtë.

Në detyrën e Ministrit të Brendshëm do të mbështes maksimalisht dhe pa asnjë hezitim të gjitha strukturat e Policisë së Shtetit, struktura që busull në punën e tyre kanë ligjin dhe vetëm ligjin, pavarësisht rrezikut dhe vështirësive, siç po përballet sot Policia e Shkodrës në luftën e saj kundër kultivimit të kanabisit apo Policia e Shtetit në përballjen e saj me krimin në çdo cep të vendit.

Do të jem krah çdo punonjësi të ndershëm për të dekurajuar krimin dhe forcuar sundimin e ligjit në territor.

Qytetarët dhe Shqipëria turistike duan një Polici efikase në çdo moment, për të garantuar jetën dhe pronën, për të siguruar një ambient të sigurt shoqëror dhe respektim të të drejtave e lirive themelore të tyre”, njofton policia./ CNA





Lajmet e fundit nga