web counter
LEXO PA REKLAMA!

SHKARKO APP

App Store
Google Play

U gjet në përrua/ Policia: 72-vjeçari u vra nga një person, identifikohet autori

20 Gusht 2024, 14:48, Kronika CNA
U gjet në përrua/ Policia: 72-vjeçari u vra nga një
Foto ilustruese

Policia ka zbardhur rrethanat dhe shkakun e humbjes së jetës së 72-vjeçarit me iniciale F.A., i cili u gjet në një përrua, në Memaliaj.

Nga hetimet ka rezultuar se i moshuari është goditur dy herë në kokë dhe në qafë me mjet prerës dhe më pas është hedhur në kanal.

Blutë kanë identifikuar autorin, por nuk e kanë bërë publik emrin e tij për shkak të ruajtjes së sekretit hetimor.

Policia po kryen kontrolle në terren dhe në ambiente ku dyshohet se mund të fshihet autori.

Njoftimi i policisë:

Veprimet e shpejta profesionale dhe hetimore në vendngjarje, të kryera nga grupi i posaçëm hetimor bëjnë të mundur zbardhjen e rrethanave dhe shkakut të humbjes së jetës së 72-vjeçarit dhe identifikimin e autorit të dyshuar të vrasjes së tij.

Me qëllim ruajtjen e sekretit hetimor dhe kapjen e autorit të dyshuar nuk po bëjmë publike gjenealitetet e tij, deri në momentin e kapjes dhe arrestimit.

Nga veprimet e deritanishme hetimore dhe nga ekspertiza paraprake mjekësore, në trupin e 72-vjeçarit janë konstatuar dëmtime të dyshuara të shkaktuara me mjet prerës. Këto dëmtime dyshohet se janë bërë shkak për humbjen e jetës së shtetasit F. A.

Shërbimet e Policisë vijojnë kontrollet në terren dhe në ambiente ku dyshohet se mund të fshihet autori.

Nderkohë, grupi i posaçëm hetimor, në drejtimin e Prokurorisë së Gjirokastrës, po punon për dokumentimin e plotë ligjor të rastit.

Ngjarja u vlerësua maksimalisht nga ana e Policisë dhe u punua me profesionalizëm, angazhim i cili çoi në zbardhjen e ngjarjes.

Të gjitha veprimet në terren janë drejtuar dhe ndjekur nga Drejtori i Drejtorisë Vendore të Policisë Gjirokastër, së bashku me 2 zëvendësdrejtorët e DVP Gjirokastër, Shefin e Seksionit të Krimeve të Rënda, Shefin e Komisariatit të Policisë Tepelenë, Shefin e Stacionit të Policisë Memaliaj dhe me drejtues të tjerë të DVP Gjirokastër./ CNA





Lajmet e fundit nga