web counter
LEXO PA REKLAMA!

SHKARKO APP

E fundit!

x

Gjykata e riktheu në burg/ Dritan Dajti, tjetër kërkesë Gjykatës së Elbasanit

20 Gusht 2024, 13:16, Kronika CNA
Gjykata e riktheu në burg/ Dritan Dajti, tjetër kërkesë
Dritan Dajti

Dritan Dajti kërkon sërish lirinë e tij. Nëpërmjet dy avokatëve të tij, ai i është drejtuar me një tjetër kërkesë Gjykatës së Elbasanit, ku kërkon lirimin nga burgu, duke pretenduar se po mbahet në mënyrë të paligjshme, sepse ai ka kryer dënimin e dhënë me 25 vjet heqje lirie.

Duket se Dajti ka hyrë në një lojë procedurash duke kërkuar lirimin nga burgu, përderisa sipas avokatëve nuk ka një urdhër ekzekutimi të Prokurorisë për të hyrë në fuqi vendimi me burgim të përjetshëm, që iu la në fuqi nga Gjykata e Lartë.

Kjo e fundit la në fuqi vendimin e dhënë nga ish-Gjykata e Krimeve të Rënda që e dënoi Dajtin me burgim të përjetshëm si autorin e dyshuar të vrasjes së 4 efektivëve të Policisë së Shtetit.

Por ajo që pretendohet nga Dajti është fakti se nuk ka një urdhër për të ekzekutuar këtë vendim, ndërsa Gjykata e Lartë, ia ka lënë për detyrë Prokurorisë së Elbasanit, e cila mbulon territorin ku Dritan Dajti vuan dënimin.

Nga ana tjetër IEVP Peqin i është drejtuar SPAK-ut me një kërkesë për urdhër ekzekutimi për vendimin e Gjykatës së Lartë ndaj Dajtit, por kjo e fundit ia ka ngarkuar Prokurorisë së Elbasanit. Kërkesa do të shqyrtohet nga gjyqtari i gatshëm në Elbasan.

Dritan Dajti vuan dënimin në IEVP Peqin për vrasjen e 4 efektivëve të Policisë së Shtetit./ CNA





Lajmet e fundit nga