web counter
LEXO PA REKLAMA!

SHKARKO APP

App Store
Google Play

Efektivi plagosi 45-vjeçarin/ Policia jep 10 mijë euro shpërblim për informacion

20 Gusht 2024, 07:44, Kronika CNA
Efektivi plagosi 45-vjeçarin/ Policia jep 10 mijë euro
Foto nga vendi i plagosjes

Efektivi E. G. është arratisur që prej ditës së djeshme, pasi plagosi me armë 45-vjeçarin L. K.

Policia dyshon se efektivi mund të jetë fshehur në periferi të Tiranës.

Ndonëse drejtori i policisë së Tiranës, Tonin Vocaj tha dje se kishin kontaktuar 46-vjeçarin E. G. dhe po tentonin ta bindnin që të vetëdorëzohej.

Megjithatë, në një njoftim të ri, policia kërkon ndihmën e qytetarëve për kapjen e autorit të plagosjes dhe ofron 10 mijë euro për informacione të vlefshme.

“Vijon puna nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për dokumentimin e plotë ligjor, me prova, të kësaj ngjarje kriminale, lokalizimin dhe kapjen e autorit E. G., i cili është shpallur në kërkim.

Shërbimet policore të Drejtorisë Vendore të Policisë Tiranë, të mbështetur nga Forcat Speciale RENEA, Forcat e Sigurisë Kombëtare janë angazhuar në një operacion të gjërë kërkimi, lokalizimi dhe kapjen e personit të kërkuar, kryesisht në periferi të Tiranës ku dyshohet se autori është larguar pas ngjarjes.

Drejtoria Vendore e Policisë Tiranë, për cilindo që jep informacion të saktë për vendodhjen e personit të kërkuar E. G., vë në dispozicion si shpërblim shumën prej 10.000 euro, si dhe numrin kontaktit celular 0694111546, duke siguruar anonimatin e plotë”, thuhet në njoftimin e policisë./ CNA





Lajmet e fundit nga