web counter
LEXO PA REKLAMA!

SHKARKO APP

App Store
Google Play

E fundit!

x

Breshëri dëmton prodhimet/ Banorët e Maliqit: Humbjet janë të parikuperueshme

19 Gusht 2024, 11:01, Kronika CNA

30 minuta reshje shiu e breshër mjaftuan që të dëmtojnë prodhimin në kopshtet dhe tokat e fshatrave Bregas, në njësinë Admistrative Podgorie të Maliqit. Breshëri u evidentua edhe në zonën e Pirgut.

Dëmet janë ende të pallogaritura, por banorët thonë se më shumë se 80% e prodhimit në kopshte dhe vreshta është dëmtuar në mënyrë të parikuperueshme.

“Këto dëme ka bërë këtu, rrushtë, mollët. Rrushin e ka dërguar për tokë të tërin, e ka këputur”, u shpreh njëri prej banorëve.

Fermerët shprehen se edhe misri është dëmtuar nga breshëri, i cili ra me intenstitet të lartë. Ata i bëjnë apel shtetit për kompensim të dëmeve.

“Të tëra, fruta, perime mbaruan fare. Me mollë, me rrush, me vreshtari, të specat, domatet, të tëra mbaruan. 80-90% mbaroi fare. Shumë dëme të mëdha, e prishi misrin fare. Gati gjysmë ore ra, shumë dëm të madh bëri, 70-80% mbaroi fare. Presim ndihmë nga shteti, se këta pyesin dhe shumë për ndihmë këta, japin goxha ndihma”, deklaroi një tjetër banor.

Breshëri dëmton prodhimet/ Banorët e Maliqit: Humbjet janë

Mësohet se në Bashkinë e Maliqit janë ngritur grupe pune për të vlerësuar dëmet e shkaktuara nga breshëri i së dielës, ndërsa çështja e kompensimit mbetet e largët, pasi sipas zyrtarëve duhet që së pari të shpallet gjendja e emergjencës, që më pas dëmet e vlerësuara të sjellin dhe dëmshpërblimin e fermerëve.

Sipas raportimeve, dëmet janë evidentuar kryesisht në vreshtari dhe kopshte, ndërsa vijon nga grupi i punës, evidentimi në terren./ CNA





Lajmet e fundit nga