web counter
LEXO PA REKLAMA!

SHKARKO APP

E fundit!

x

Mashtrimi me “call center”-at/ Arrestohet në Dubai, Erlind Cekaj

21 Gusht 2024, 10:04, Kronika CNA
Mashtrimi me “call center”-at/ Arrestohet në Dubai, Erlind
Foto ilustruese

Autoritetet kanë arrestuar në Dubai, Erlind Cekajn, pjesë e grupit të Amant Josifit, ish-këshilltarit të Olta Xhaçkës.

Cekaj u shpall në kërkim ndërkombëtar pas hetimeve të SPAK-ut, të cilat zbuluan abuzimet me “call center”-at.

Ai akuzohet për kryerjen e veprës penale të “Mashtrimit kompjuterik”, në dëm të disa personave, në formën e veçantë të bashkëpunim me grup të strukturuar kriminal, “Grupi i strukturuar kriminal”, dhe “Kryerja e veprave penale nga grupi i strukturuar kriminal dhe organizata kriminale”.

Mashtrimi kompjuterik kryhej përmes aktivitetit "call center", të cilat drejtoheshin ose koordinoheshin nga “Milton Group”.

Nga hetimet ka rezultuar se "Milton Group" ka organizuar veprimtarinë kriminale të mashtrimit kompjuterik "online", në mjaft shtete të Europës Perëndimore, duke përfshirë shtetet të cilët janë pjesë e skuadrës së përbashkët hetimore.

Dëmi i shkaktuar nga ky grup kriminal kap vlerën e 6.1 milionë eurove./ CNA





Lajmet e fundit nga