web counter
LEXO PA REKLAMA!

SHKARKO APP

App Store
Google Play

Shpërthim me tritol në Tiranë

19 Dhjetor 2025, 08:42, Kronika CNA

Shpërthim me tritol në Tiranë

Një shpërthim me lëndë plasëse është regjistruar në orët e para të mëngjesit të datës 19 dhjetor 2025, në zonën e Selitës së Vogël.

Sipas informacioneve paraprake, rreth orës 03:20 dyshohet se një sasi lënde plasëse është hedhur në automjetin e shtetasit D. J., rreth 39 vjeç. Mjeti ka qenë i parkuar në oborrin e banesës së tij në momentin e shpërthimit.

Si pasojë e ngjarjes janë shkaktuar vetëm dëme materiale në automjet, ndërsa fatmirësisht nuk raportohet për persona të lënduar.

Menjëherë pas incidentit, në vendngjarje ka mbërritur grupi hetimor, i cili po punon për sqarimin e rrethanave të plota të rastit, si dhe për identifikimin dhe kapjen e autorit ose autorëve të dyshuar.

Policia ka nisur hetimet dhe pritet që në vijim të ketë më shumë detaje lidhur me motivet dhe dinamikën e ngjarjes.

"Më datë 19.12.2025, rreth orës 03:20, në Selitë të Vogël, dyshohet se është hedhur një sasi lënde plasëse në automjetin e shtetasit D. J., rreth 39 vjeç, i cili ka qenë i parkuar në oborrin e banesës së tij. Si pasojë, pati vetëm dëme materiale.

Grupi hetimor është në vendngjarje dhe po punon për sqarimin e rrethanave të rastit, si dhe për identifikimin dhe kapjen e autorit/ëve", njofton policia./ CNA





Lajmet e fundit nga