web counter
LEXO PA REKLAMA!

SHKARKO APP

App Store
Google Play

E fundit!

x

Lokal me lojëra fati në Ndroq/ 2 në pranga, sekuestrohen 5 celularë, para dhe armë

18 Dhjetor 2025, 15:19, Kronika CNA

Lokal me lojëra fati në Ndroq/ 2 në pranga, sekuestrohen 5

Zbulohet në Ndroq, një lokal ku organizohej veprimtaria e paligjshme e lojërave të fatit.    

Në përfundim të operacionit policor të koduar “Game Over 2”, u vunë në pranga 2 shtetas që u kapën në flagrancë në lokal. 

U sekuestruan 5 celularë që përdoreshin për lojëra fati, një sasi lënde e dyshuar narkotike kokainë, një shumë parash dhe 1 armë sportive.  

Njoftimi:

Shërbimet e Komisariatit të Policisë Nr. 6, në bashkëpunim me strukturat për Hetimin e Krimeve Kibernetike, në vijim të punës për goditjen e paligjshmërive, bazuar në informacionet e siguruara në rrugë operative, kanë organizuar kontrolle në lokale dhe ambiente të ndryshme ku dyshohet se zhvillohen lojëra fati të paligjshme dhe, si rezultat, kanë goditur 1 rast të kësaj veprimtarie.

Në kuadër të operacionit policor të koduar “Game Over 2”, u arrestuan shtetasit:

E. Ç., 34 vjeç dhe I. T., 31 vjeç, të dy banues në Ndroq.

Këta shtetas u kapën në flagrancë në një lokal në fshatin Ndroq, duke vënë baste sportive, me celularë. Në ambientet e lokalit u gjetën 5 celularë që përdoreshin për lojëra fati dhe një shumë parash.   

Gjatë kontrollit fizik, 34-vjeçarit iu gjet një sasi lënde e dyshuar narkotike kokainë, ndërsa gjatë kontrollit në banesën e 31-vjeçarit u gjet një armë sportive që e mbante pa leje.

Materialet iu referuan Prokurorisë, për veprime të metejshme./CNA

 





Lajmet e fundit nga