web counter
LEXO PA REKLAMA!

SHKARKO APP

App Store
Google Play

Plagosja me armë zjarri e 51-vjeçarit në Mamurras/ Shpallen në kërkim dy të rinj

18 Dhjetor 2025, 11:26, Kronika CNA

Plagosja me armë zjarri e 51-vjeçarit në Mamurras/ Shpallen

Një plagosje me armë zjarri ka ndodhur mbrëmjen e djeshme në Mamurras, ku u qëllua me armë zjarri ndaj një 51-vjeçari.

Lidhur me ngjarjen policia bën me dije se janë identifikuar dhe shpallur në kërkim shtetasit R. N. dhe O. N., secili 18 vjeç. Ata dyshohet se e kanë plagosur 51-vjeçarin, pas një konflikti për motive të dobëta.

Të rinjtë janë larguar më pas nga vendi i ngjarjes me një automjet që u sekuestrua nga policia në cilësinë e provës materiale. Ndërkohë bëhet me dije se i plagosuri ndodhet ende në spital, jashtë rrezikut për jetën.

Njoftimi i policisë:

Drejtoria Vendore e Policisë Lezhë

Në vijim të informacionit paraprak të dhënë mbrëmë, sqarojmë se nga verifikimet rezultoi se i plagosur me armë zjarri, në dorë, ishte shtetasi M. M., 51 vjeç. 

Gjithashtu, informojmë se pas veprimeve të thelluara hetimore, të kryera nga shërbimet e Komisariatit të Policisë Kurbin dhe ato të DVP Lezhë, me qëllim zbardhjen e rrethanave dhe autorësisë së këtij rasti, u identifikuan dhe u shpallën në kërkim shtetasit R. N. dhe O. N., secili 18 vjeç dhe banues në Mamurras, të cilët dyshohet se e kanë plagosur 51-vjeçarin, me armë zjarri, për motive të dobëta, në rrugë, në Mamurras, dhe më pas janë larguar nga vendngjarja, me një automjet që është gjetur në banesën e shtetasit O. N., dhe është sekuestruar me cilësinë e provës materiale.

I dëmtuari vijon të jetë në kujdesin e mjekëve dhe jashtë rrezikut për jetën. 

Punohet intensivisht për kapjen e 2 shtetasve, si dhe për individualizimin e përgjegjësisë së tyre penale. /CNA





Lajmet e fundit nga