Goditja e informalitetit dhe lojërave të fatit/ Procedohen 4 persona në Korçë

17 Dhjetor 2025, 14:27, Kronika CNA

Goditja e informalitetit dhe lojërave të fatit/ Procedohen 4 persona

Katër persona janë proceduar penalisht në Maliq dhe Korçë, në kuadër të operacionit “Qarku”, për evidentimin dhe goditjen e veprimtarive të paligjshme të lojërave të fatit dhe informalitetit.

Në Maliq filloi procedimi penale për shtetasit R. B., 23 vjeç dhe A. H., 43 vjeç, banues në Maliq, pasi gjatë kontrolleve në lokalet e tyre, në qytetin e Maliqit dhe në fshatin Libonik, rezultoi se nuk i kishin regjistruar këto aktivitete në organet tatimore, si dhe nuk dispononin kasë fiskale për lëshimin e kuponave tatimorë.

Një 36-vjeçar u procedua pasi nga kontrollet e kryera në lokalin e tij, rezultoi se ky shtetas kishte punësuar në mënyrë të paligjshme një punonjës. Gjithashtu bëhet me dije se një 39-vjeçar është proceduar pasi në lokalin ku ndodhej, gjatë kontrollit të celularit të tij, u gjetën faqe aktive për baste sportive.

Njoftimi i policisë:

DVP Korçë

Vijojnë kontrollet në të gjithë territorin e qarkut Korçë, në vijim të operacionit policor të koduar “Qarku”, për evidentimin dhe goditjen e veprimtarive të paligjshme të lojërave të fatit dhe informalitetit.

Goditen 4 raste të tjera të këtyre veprimtarive, në Maliq dhe në Korçë.

Procedohen penalisht 4 shtetas.

Specialistët për Hetimin e Krimeve Ekonomike-Finamciare referuan materialet në Prokurori, ku filloi procedimi penal për shtetasit R. B., 23 vjeç dhe A. H., 43 vjeç, banues në Maliq, pasi gjatë kontrolleve në lokalet e tyre, në qytetin e Maliqit dhe në fshatin Libonik, rezultoi se këta shtetas nuk i kishin regjistruar këto aktivitete në organet tatimore, si dhe nuk dispononin kasë fiskale për lëshimin e kuponave tatimorë.

Shërbimet e Komisariatit të Policisë Korçë referuan materialet në Prokurori, ku filloi procedimi penal për shtetasin E. M., 36 vjeç, banues në Korçë, pasi nga verifikimet e kryera në lokalin e tij, rezultoi se ky shtetas kishte punësuar në mënyrë të paligjshme një punonjës, të cilin nuk e kishte regjistruar në organet tatimore.

Shërbimet e Komisariatit të Policisë Maliq referuan materialet në Prokurori, ku filloi procedimi penal për shtetasin R. P., 39 vjeç, banues në fshatin Podgorie, Maliq, pasi në lokalin ku ndodhej, gjatë kontrollit të celularit të tij, u gjetën faqe aktive për baste sportive. Celulari u sekuestrua në cilësinë e provës materiale.

Materialet procedurale iu referuan Prokurorisë së Korçës, për veprime të mëtejshme. /CNA