web counter
LEXO PA REKLAMA!

SHKARKO APP

App Store
Google Play

Plagosja me armë zjarri e 33-vjeçarit në Durrës/ Në kërkim tre persona

17 Dhjetor 2025, 12:03, Kronika CNA

Tre persona janë shpallur në kërkim lidhur me plagosjen e ndodhur me armë zjarri mbrëmjen e 15 dhjetorit në qytetin e Durrësit.

Ngjarja ndodhi në një lokal në lagjen nr. 9, ku mbeti i plagosur 33-vjeçari me inicialet F.K. Policia tha se këta tre persona i janë afruar 33-vjeçarit me 2 automjete dhe e kanë qëlluar me armë.

Bëhet me dije se është proceduar penalisht edhe një 31-vjeçar, pasi nga verifikimet rezultoi se është pronar i njërit prej automjeteve, me të cilat u afruan në vendngjarje, shtetasit e shpallur në kërkim.

Njoftimi i policisë:

Në vijim të informacionit të dhënë dje, mbi plagosjen me armë zjarri të shtetasit F. K., sqarojmë se si rezultat i veprimeve të thelluara hetimore, të kryera me qëllim zbardhjen e plotë të autorësisë dhe rrethanave të këtij rasti, u identifikuan dhe u shpallën në kërkim shtetasit:

A. N., 38 vjeç, banues në Durrës, F. B., 22 vjeç, banues në Tiranë dhe B. Ç., 34 vjeç, banues në Durrës.

Nga këto veprime dyshohet se këta 3 shtetas, rreth orës 23:45 të datës 15.12.2025, janë afruar me 2 automjete, te lokali në lagjen nr. 9, ku qendronte shtetasi F. K., dhe kanë qëlluar drejt tij, me armë zjarri. Si pasojë, shtetasi F. K. është dëmtuar lehtë.

Në vijim të veprimeve për këtë rast, u referuan materialet në Prokurori, ku nisi procedimi penal për shtetasin L. B., 31 vjeç, pasi nga verifikimet rezultoi se është pronar i njërit prej automjeteve, me të cilat u afruan në vendngjarje, shtetasit e shpallur në kërkim. Nga kontrolli në banesën e 31-vjeçarit, u gjetën disa fishekë luftarak, të cilët u sekuestruan me cilësinë e provës materiale.

Punohet intensivisht për kapjen e 3 shtetasve të shpallur në kërkim. /CNA





Lajmet e fundit nga