web counter
LEXO PA REKLAMA!

SHKARKO APP

App Store
Google Play

Goditi me thikë vëllanë e tij/ Arrestohet 35-vjeçari në Elbasan

15 Dhjetor 2025, 11:12, Kronika CNA

Goditi me thikë vëllanë e tij/ Arrestohet 35-vjeçari

Një plagosje me thikë ka ndodhur në Elbasan. Sipas informacioneve, një 35-vjeçar është arrestuar pasi ka goditur me thikë vëllanë e tij për motive të dobëta. Në pranga është vënë shtetasi B. H., banues në fshatin Labinot-Fushë.

Bëhet me dije se i plagosuri është jashtë rrezikut për jetën. Gjatë kontrollit në banesën e 35-vjeçarit, policia ka gjetur dhe sekuestruar thikën me të cilën dyshohet se ka kryer krimin dhe disa fishekë arme gjahu. 

Njoftimi i policisë:

Elbasan

Goditi me thikë, vëllanë e tij, për motive të dobëta, vihet në pranga 35-vjeçari.  

Sekuestrohen mjeti prerës thikë dhe disa fishekë arme gjahu, që u gjetën në banesën e 35-vjeçarit.    

Pas marrjes së njoftimit se në Spitalin Rajonal Elbasan ishte paraqitur për të marrë ndihmë mjekësore, një 46-vjeçar, me dëmtime të shkaktuara me mjet prerës, shërbimet e Komisariatit të Policisë Elbasan organizuan menjëherë punën për zbardhjen e rrethanave të rastit.

Si rezultat i veprimeve të shpejta hetimore, u kap dhe u arrestua në flagrancë autori i dyshuar, shtetasi B. H., 35 vjeç, banues në fshatin Labinot Fushë, i cili dyshohet se ka goditur me mjet prerës (thikë), në dorë, vëllanë e tij, shtetasin A. A., 46 vjeç, për motive të dobëta. I dëmtuari është jashtë rrezikut për jetën.  

Gjatë kontrollit në banesën e 35-vjeçarit, u gjetën dhe u sekuestruan thika me të cilën dyshohet se ka kryer krimin dhe disa fishekë arme gjahu. 

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme. /CNA





Lajmet e fundit nga