web counter
LEXO PA REKLAMA!

SHKARKO APP

App Store
Google Play

Vjedhje në bizneset e qytetit/ 2 të arrestuar në Korçë, sekuestrohen provat

14 Dhjetor 2025, 11:22, Kronika CNA

Vjedhje në bizneset e qytetit/ 2 të arrestuar në

Një 28-vjeçar dhe një 29-vjeçar u vunë në pranga lidhur me dy raste vjedhjesh në bizneset e qytetit të Korçës.

Shtetasi V. I rezulton i dënuar më parë për të njëjtën veprimtari.

Ndërsa shtetasi A. Z., 29 vjeç mbante produktet e vjedhura në banesën e tij, ku ndodhej me masë sigurie “Arrest në shtëpi”.

Gjatë operacionit u sekuestrua edhe një televizor i vjedhur.

Njoftimi:

Shërbimet e Komisariatit të Policisë Korçë, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve përpara përgjegjësisë ligjore, pas një pune të mirëfilltë hetimore, identifikuan, kapën dhe ndaluan shtetasin e shpallur në kërkim:

V. I., 28 vjeç, banues në Korçë, për veprën penale “Vjedhja e kryer më shumë se një herë”, me precedent të mëparshëm penal në fushën e vjedhjes së pronës.

Si dhe arrestuan në flagrancë shtetasin:

A. Z., 29 vjeç, banues në Korçë, për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”, i dënuar më parë për prodhim dhe shitje narkotikësh.

Nga veprimet hetimore dyshohet se shtetasi V. I., 28 vjeç, është autor i vjedhjes së 3 televizorëve në lokalin e një shtetasi dhe i një shume parash në një furrë buke, në lagjen nr. 7, Korçë. Gjithashtu, gjatë kontrollit të ushtruar në banesën e shtetasit A. Z. (i cili ishte me masë sigurie “Arrest në shtëpi”), iu gjet njëri prej televizorëve të vjedhur nga shtetasi V. I., i cili u sekuestrua në cilësinë e provës materiale.

Vijon puna për dokumentimin e vjedhjeve të tjera, ngjarje në të cilat mund të jenë implikuar këta shtetas.

Materialet procedurale iu referuan Prokurorisë së Korçës, për veprime të mëtejshme./CNA





Lajmet e fundit nga