web counter
LEXO PA REKLAMA!

SHKARKO APP

App Store
Google Play

Goditet grupi kriminal që shiste armë zjarri/ Dy të arrestuar në Kamëz, një në kërkim

17 Dhjetor 2025, 11:19, Kronika CNA

Një grup kriminal që shiste armë zjarri është goditur në kuadër të operacionit “Members” në Kamëz. Si rezultat i hetimeve, janë identifikuar 3 anëtarë të këtij grupi ku dy prej tyre janë arrestuar dhe një është shpallur në kërkim.

Bëhet me dije se vijojnë hetimet për dokumentimin e plotë të veprimtarisë kriminale të këtyre shtetasve, identifikimin dhe kapjen e shtetasve të tjerë të përfshirë në grup.

Njoftimi i policisë:

Kamëz

Finalizohet pas 3 muajsh hetime me metoda proaktive, operacioni policor i koduar “Members”.

Goditet një grup kriminal që shiste armë zjarri.

Nga hetimet janë identifikuar 3 pjesëtarë të këtij grupi. Vihen në pranga 2 prej tyre, shpallet në kërkim 1.

Sekuestrohen 2 armë zjarri pistoleta dhe municion luftarak, që dyshohet se do të shiteshin në Tiranë.

Si rezultat i hetimeve të kryera me metoda proaktive, gjatë 3 muajve, nga specialistët për Hetimin e Krimeve të Komisariatit të Policisë Nr. 5, në drejtimin e Prokurorisë së Tiranës, është finalizuar operacioni i koduar “Members”. Në kuadër të këtij operacioni:

-u ndaluan shtetasit B. J., 29 vjeç dhe Xh. Sh., 60 vjeç, të dy banues në Kamëz, të cilëve Gjykata e Tiranës iu ka caktuar masën e sigurisë “Arrest në burg”;

-u shpall në kërkim S. C., 29 vjeç, banues në Kamëz.

Nga hetimet dyshohet se këta shtetas ishin pjesëtarë të një grupi që shiste armë zjarri në Tiranë. Vijojnë hetimet, në drejtimin e Prokurorisë, për dokumentimin e plotë të veprimtarisë kriminale të këtyre shtetasve, identifikimin dhe kapjen e shtetasve të tjerë të përfshirë në grup.

Materialet procedurale iu referuan Prokurorisë, për veprime të mëtejshme. /CNA





Lajmet e fundit nga