web counter
LEXO PA REKLAMA!

SHKARKO APP

App Store
Google Play

Paligjshmëri në kufi/ 1 i arrestuar në Kapshticë, procedohet 1 shtetas tjetër

18 Dhjetor 2025, 18:39, Kronika CNA

Paligjshmëri në kufi/ 1 i arrestuar në Kapshticë, procedohet

Dy shtetas u ndaluan nga shërbimet e Policisë Kufitare Kapshticë, si raste të paligjshmërive të kalimit në kufi.

Një 35-vjeçar u kap dhe vu në në pranga, që rezulton i shpallur në kërkim me masë sigurie "Arrest me burg".

Ndërsa një 21-vjeçar u procedua penalisht, pasi tentoi të kalonte kufirin me një sasi lënde narkotike.

Njoftim:

Shërbimet e Drejtorisë Vendore të Kufirit dhe Migracionit Korçë kanë intensifikuar kontrollet në pikat e kalimit dhe kufirin e gjelbër, me qëllim parandalimin dhe goditjen e krimeve ndërkufitare.

1. Në kuadër të kontrolleve dhe intervistimeve të thelluara nga shërbimet e policisë kufitare në kufirin e gjelbër, në hyrje për në Shqipëri është ndaluar shtetasi P. H, 35 vjeç, banues në fshatin Sovjan, Maliq.

Ndaj të cilit, Gjykata Korçë ka caktuar masën e sigurisë "Arrest në burg", për veprat penale "Prodhimi dhe shitja e narkotikëve" dhe "Shtytja e të miturve në krim".

2.Gjatë kontrolleve të imtësishme, të kryera në bazë të analizës së riskut, ndaj shtetasve dhe mjeteve me të cilët ata lëvizin, shërbimet e Policisë Kufitare Kapshticë në bashkëpunim me shërbimet e DVP Korçë goditën 1 rast të paligjshmërisë në kufi. Gjatë kontrollit fizik të ushtruar ndaj shtetasit O. J., 21 vjeç, banues në Greqi, pasagjer në një linjë autobusi, në dalje të RSh-së, iu gjet dhe u sekuestrua një sasi lënde  e dyshuar narkotike cannabis sativa.

Në përfundim të veprimeve procedurale ndaj 21-vjeçarit nisi procedimi penal, për veprën penale "Prodhimi dhe shitja e narkotikëve".

Materialet procedurale iu referuan Prokurorisë së Korçës, për veprime të mëtejshme./CNA





Lajmet e fundit nga